हामी सबैकाे संसारन्यूज

१२ फागुन, काठमाडौं । कोरोना भाइरसको संक्रमण दक्षिण कोरियामा फैलिँदो क्रममा छ । चीनको वुहानबाट शुरु भएको यो भाइरसको संक्रमणबाट दक्षिण कोरियामा ७ जनाको मृत्यु भइसकेको छ भने संक्रमित हुनेको संख्यामा ७६३ पुगेको छ ।

कोरियामा रहेका नेपालीलाई पनि कायृस्थलबाट बाहिर निस्कन दिईएको छैन । ७ जनाको ज्यान गएसँगै नेपालीहरुमा पनि त्राश बढेको छ । दूतावासले यसअघि नै शतर्क रहन सुझाव दिईसकेको थियो ।

कोरियामा आइतबार मात्रै थप १६१ जनामा कोरोनाको संक्रमण देखिएको थियो ।  संक्रमितको संख्यामा अनेपेक्षित वृद्धि भएपछि दक्षिण कोरियाले सतर्कता बढाएको छ। राष्ट्रपति मुन जाय–इनले कोरोना रोकथाम तथा नियन्त्रणका लागि ‘अभूतपूर्ण र शक्तिशाली कदम’मा जोड दिँदै देशैभर उच्च सतर्कता बढाइएको घोषणा गरेका छन्।

यो भाइरसका कारण चीनमा सबैभन्दा धेरै २ हजार ४ सय ४२ जना मृत्यु भैसकेको छ । चीन बाहिर इरानमा ८, दक्षिण कोरियामा ७, जापानमा ४, इटालीमा २, हङकङमा २, ताइवानमा १, फ्रान्समा १, फिलिपिन्समा १ गरी २ हजार ४ सय ६८ जनाको मृत्यु भएको छ।