हामी सबैकाे संसारन्यूज

१३ फागुन, काठमाडौं । पूर्व सभामुख कृष्णबहादुर महरामाथि लागेको जबरजस्ती करणी उद्योग मुद्दाकी पीडित भनिएकी महिला रोशनी शाही नियमित काममा फर्किएकी छन् ।

संघीय संसद सचिवालयमा कार्यरत शाहीमाथि गत असोज १३ गते महराले जबरजस्ती करणी प्रयास गरेको विषय सार्वजनिक भएको थियो । पछि पीडित भनिएकी रोशनीकै उजुरीका आधारमा प्रहरीले महराविरुद्ध मुद्दा दर्ता गरी पक्राउ गरेको थियो । सोही प्रकरणमा करिब ३० दिन प्रहरी हिरासत र १ सय ३ दिन पुर्पक्षका लागि थुनामा बसेका महरालाई जिल्ला अदालत काठमाडौंले निर्दोष ठहर गरेको थियो ।

महरा निर्दोष ठहर भएसँगै प्रतिनिधिसभाको सदस्यका रुपमा उनीमाथि लागेको निलम्बन पनि फुकुवा भइसकेको छ । यद्यपि महरा भने संसद बैठकमा उपस्थित भएका छैनन् ।