हामी सबैकाे संसारन्यूज

अर्थमन्त्री डा युवराज खतिवडाले पदबाट राजीनामा दिएका छन् । मंगलबारै राष्ट्रियसभाको दुई वर्षे कार्यकाल सकिएपछि खतिवडाले मन्त्री पदबाट राजीनामा दिएका हुन्। खतिवडासहित १९ जना राष्ट्रियसभा सदस्यहरुको मंगलबारदेखि नै कार्यकाल सकिएको छ।

खतिवडाले मुख्य सचिव लोकदर्शन रेग्मीमार्फत राजीनामा दिएका हुन् । मंगलबार राजीनामा दिएका खतिवडाले बुधबार पुनः मन्त्री पदको कार्यभार सम्हाल्ने चर्चा छ । उनले बुधबार अर्थ र सञ्‍चार मन्त्रीको नियुक्ति लिएर सपथग्रहण गर्ने बताइएको छ।

राष्ट्रपति कार्यलयाका प्रवक्ता हरि प्रसाद दहालका अनुसार अर्थमन्त्रालयको जिम्मेवारी प्रधानमन्त्री केपी ओलीले नै संहाल्ने गरि तोकिएको छ । राष्ट्रपति कार्यालयबाट जारी विज्ञप्तिमा खतिवडाको राजीनामा स्वीकृत भएको र सो मन्त्रालयको जिम्मेवारी प्रधानमन्त्रीलाई तोकिएको व्यहोरा उल्लेख छ ।