हामी सबैकाे संसारन्यूज

२० फागुन, काठमाण्डौं । समाजवादी पार्टीका संघीय परिषद् अध्यक्ष डा .बाबुराम भट्टराईले सोमबार फेसबुकमा अनौठो स्टाटस लेखेका छन् ।
पूर्वअर्थमन्त्री तथा प्रधानमन्त्री समेत बनिसकेका समाजवादी पार्टीका अध्यक्ष भट्टराईले आफ्नो फेसबुकमा कुकुरको केही फोटो राख्दै कुकुरले विभिन्न योगाशन गरेको लेखेका छन् ।

‘चार महिनाको चुलुबुले हाम्रो pedro का विभिन्न योगाशन बाबा रामेदवलाई पनि कुकुराशन÷पेद्राशन इत्यादि सिकाउँछ कि क्या हो !’ भट्टराईले फेसबुकमा लेखेका छन् ।

राखेको ३५ मिनेटमै हजार बढी लाइक र ३०० बढी केमेन्ट तथा केही सेयर समेत भएको उनको स्टाटसमा सकारात्मक नकारात्मक दुवै कमेन्ट आएका छन् ।

उनको स्टाटसमा हिरा तामाङले कमेन्ट गरेका छन् ‘ देशको सबै भन्दा उच्च शिक्षा हासिल गरेको र प्रधानमन्त्री भैसकेको बरिष्ठ नेता पनि कुकुरसगँ दिन बिताउदै गरेको देख्दा आफु(म) बेरोजगार हुनु ठूलो कुरा होइन जस्तो लाग्यो त्यसैले भनेको होला पढेर होइन परेर थाहा हुन्छ भनेर’