Sansar News
२१ फागुन, काठमाण्डौ । प्रधानमन्त्री केपी शर्मा ओलीको मिर्गौला प्रत्यारोपण सफल भएको छ । शल्यक्रियापछि नयाँ मिगौंलाले काम गरेसँगै प्रधानमन्त्री ओलीको होस खुलेको छ । शल्यक्रियामा संलग्न चिकित्सकका अनुसार प्रधानमन्त्री ओलीको केहीबेरअघि होस खुलेको हो।
प्रधानमन्त्री ओलीले आज दोस्रो पटक मिर्गौला प्रत्यारोपण गरेका हुन् । १३ वर्षअघि भारतको नयाँदिल्लीमा मिर्गौला प्रत्यारोपण गराएका ओलीले यसपालि स्वेदशमै त्रिवि शिक्षण अस्पताल रोजेका हुन्।
अस्पतालको मिर्गौला प्रत्यारोपण केन्द्रका प्रमुख डाक्टर प्रेमराज ज्ञवाली नेतृत्वको टोलीले प्रधानमन्त्री ओलीको मिर्गौला प्रत्यारोपण गरेको हो । नाताले भान्जी पर्ने समीक्षा संग्रौलाले ओलीलाई मिर्गौला दान गरेकी थिइन् ।
वि.सं.२०७६ फागुन २१ बुधवार १६:०३ मा प्रकाशित
