हामी सबैकाे संसारन्यूज

२१ फागुन, काठमाण्डौं । सुर्खेतमा आज विहान भएको जिप दुर्घटनामा तीनजनाको मृत्यु भएको छ भने ४ जना घाईते भएका छन् ।

सुर्खेतको गल्छेनामा आज (बुधबार) बिहान नौ बजे भएको कर्णाली प्रदेश ०२–००१ ज ०००७ नम्बरको जिप दुर्घटनामा बाँके बैजनाथ गाउँपालिका ३ का ४२ वर्षीय खड्गबहादुर बीसी, उनकी श्रीमती ३९ वर्षीया गोमा बीसी र सुर्खेत घर भएका ५० वर्षीय देबबहादुर खड्का रहेको सुर्खेत प्रहरी कार्यालयका प्रहरी नायव उपरीक्षक (डिएसपी) रवी रावलले संसारन्युजलाई जानकारी दिएका छन् ।

उनीहरुको घटनास्थलमै मृत्यु भएको पनि रावलले जानकारी दिए । दुर्घटनामा घाईते भएका चारजनाको उपचारका लागि सुर्खेत पठाइएको छ ।

दैलेखको धरम पोखराबाट आउँदै गरेको उक्त जिप वीरेन्द्रनगर नगरपालिका १५ राउटे गल्छेनामा दुर्घटना भएको हो । जिप अनियन्त्रित हुँदै सडकदेखि ४ सय मिटर तल खसेको थियो ।