हामी सबैकाे संसारन्यूज

३० फागुन, काठमाडौं । जीबन वीमा कम्पनीहरुले राम्रो व्यापार गरेका छन । जीबन बीमा कम्पनीहरुले चालु आर्थिक बर्ष २०७६/७७ को साउन देखि माघ मसान्तसम्मको सात महिनाको अबधिमा ५४ अर्ब तीन करोड रुपैंयाँ बराबरकोे ७४ लाख ७८ हजार ८ सय ८४ कित्ता पोलेसि बिक्री तथा नविकरण गरेका छन ।

उनीहरुले चालु आ.ब.को माघ मसान्तसम्ममा १७ अर्ब नब्बे करोड रुपैयाँको नयाँ पोलेसि बेचेका छन । त्यस्तै ३५ अर्ब ६१ करोड रुपैंयाँ बराबरको पोलेसि नविकरण गरेका छन । त्यस्तै उनीहरुले बैदेशिक रोजगारी तर्फ १४ अर्ब ४० करोड रुपैंयाँ बराबरको आबधिक जिबन बीमा पोलेसि पनि बेचेका छन ।

यो अबधिमा बीमा क्षेत्रको एकिकृत बीमा कोषको आकार पनि ३२ अर्ब ५५ करोड रुपैंयाँ पुगेको छ । त्यस्तै ५ हजार ४ सय ५८ जनाले जीवन वीमाको क्षेत्रमा रोजगारि पाएको तथा कार्यालय संख्य १ हजार ८ सय २३ पुगेको छ । हाल नेपालमा १९ जीवन वीमा कम्पनीहरुले सेवा प्रबाह गरिरहेका छन ।