हामी सबैकाे संसारन्यूज

२ पुस, पेरिस (फ्रान्स) । पेरिस नजिकै अवस्थित एक आप्रवासी शरणार्थी केन्द्रमा शुक्रबार स्थानीय समयअनुसार बिहान ३ बजेर ३० मिनेटको समयमा भएको आगलागीमा एक जनाको मृत्यु भएको छ भने अन्य १३ जना घाइते भएको फ्रान्सको प्रहरीले जनाएको छ ।

पेरिसको पश्चिम क्षेत्र वोलानी विलानकोर्टको बाहिरी क्षेत्रमा अवस्थित उक्त शिविरमा सबै जना सुतिरहेका बेला भएको आगलागीबारे अनुसन्धान सुरु गरिएको प्रहरीले जनाएको छ ।

शिविरमा आगलागीमा फसेका छ जनालाई सकुशल उद्धार गरिएको छ भने आगलागी भएको क्षेत्र वरपरको बस्तीमा बस्दै आएका करिब तीन सय जनालाई आगलागी फैलिने डरमा सुरक्षित ठाउँमा लगिएको छ । आगो केही समयमै नियन्त्रणमा आइसकेको फ्रान्सका अधिकारीले बताएका छन् ।

प्रहरीले शिविरमा कसैले आगो लगाएको आशङ्कामा अनुसन्धान जारी राखेको छ । शङ्कास्पद एक व्यक्तिले ो शिविरमा आगो लगाएको भन्ने अपुष्ट सूचनापछि प्रहरी अनुसन्धान सुरु गरिएको हो । एपी