हामी सबैकाे संसारन्यूज

५ चैत, पोर्चुगल । पोर्चुगलमा रहेर निरन्तर नेपाली समुदायको हितमा कलम चलाइरहने नविन तिम्सिनाले काम छुट्यो भनेर आत्तिएका नेपाली समुदायलाई नआतिन भनेका छन् ।

स्वस्थ्य रहे सबै रहने बताएका नविनले  काम छुटेपनि नआत्तिन भन्दै भनेका छन् ‘हाम्रो मात्रा हैन संसारका धेरै देशका धेरै जनाको काम रोकिएको छ ।’

विश्वभरी फैलिएको कोरोना भाइरसका त्रास र त्यसले सवै देशमा पारेको प्रभावका कारण धेरै देशमा रहेका नेपाली लगायत अन्य आप्रवासी कामदारलाई गम्भीर बनाएको छ यसै सन्दर्भमा नविनले पोर्चुगलमा रहेका नेपाली समुदायमा नआतिन र पोर्चुगलको सरकारले धेरै कुरामा राहत अवस्य दिने छ भन्ने आसा गरिएको बताएका छन् ।

यस्तो भन्छन् तिम्सिना
सबै जनाका प्रश्नहरु लग्भग एकै छन अहिले त्यसैले एक एक गरेर रिप्लाई गर्न सकिन ।
अहिले विश्व लगयात पोर्चुगल पनि कोरोनाको माहामारी मा छ र यो समयमा धेरै धेरै जनाको काम रोकिएको छ र बन्द भएको छ । यो परिस्थितीमा बिशेषत हामी काम गरेर कार्ड बनाउने आप्रवासीको मनमा सवाल आउनु जायज हो अब के हुन्छ ? हाम्रो काम बन्द भयो, अर्को महिना रिनियु छ , बायोमेट्रिक छ, यि यावत प्रश्न ? मैले धेरै ठाउँमा कन्सल्ट गरेको छु यो नसोचिएको समयको लागि यहाँको सरकारले पनि धेरै कुरामा राहत अवस्य दिन्छ । स्वास्थ्य रहे सबै कुरा रहन्छ, काम छुटे पनि नआत्तिनु होला हाम्रो मात्रा हैन संसारका धेरै देशका धेरै जनाको काम रोकिएको छ ।

रिनियु, बायोमेट्रिकका सेफका डेट यदी सर्यो भने तपाईंले सूचना पाउनु हुने छ तपाईंलाई ईमेल आउछ , चेक गर्दै गर्नु होला । कतिपय कम्पनीले डिक्लेरेसओ डे डिसिम्प्रेगो भन्ने पेपरहरु पनि तपाईंलाई दिएको छ होला , यो बेलामा काम नभएको कारण कुनै पनि कार्डको रिनियु, बायोमेट्रिक को लागि समस्या नहुने कुरा पनि सेफका अधिकारीहरुले बताएका छन् ।

ईयुले सबै फ्लाइटहरु सस्पेन्ड गर्ने भनेको छ टिकट लिनु भएकाहरुले आफ्नो आफ्नो एयरलाइन्ससँग संपर्क राख्नु होला ।
फिनान्सा सोसियलमा हुने धेरैजसो काम त घरबाट नै हुन्छन तर बिना अपोइन्टमेन्ट त्यहा जान पाइने छैन सोसियलको अपोइन्ट्मेन्ट लिनका लागि ३००५०२५०२ मा कल गर्नु पर्ने छ नयाँले वा पुरानो सोसियल नम्बर पासवर्ड भएकोले सिगा एपबाट लिनु मिल्छ ।
आज बेलुका राष्ट्रपतिले गर्ने सम्बोधनमा थप के कुरा कसरी गर्ने भन्ने कुराको जानकारी आउने छ ।