Sansar News
५ चैत, नर्वे । कोरोना भाइरस (कोभिड- १९) को संक्रमणको त्रासले यतिबेला नर्वे ठप्प जस्तै छ । सरकारले यातायात सुविधा पहिलेदेखि नै दिए पनि यात्रुहरु नगन्यरुपमा देखिन्छन् । सबैजसो मानिसहरु होम क्वारेन्टाइनमै बसेको आभास हुन्छ । अत्यावस्यक काम बाहेक चहल पहल नै छैन । स्कुल कलेजहरु बन्द गरिएका छन् र सम्भव भएसम्म अनलाइन अपडेट भइरहेका छन् ।
कोरोनाको कारण काम छोड््नु परेकाहरुलाई सरकारले Unemployment Benefit घोषणा गरेको छ भने कोरोनाबाट उत्पन्न संकट व्स्थापनको लागि यहाँको सरकारले तत्कालका लागि १०० बिलियन नर्वेजियन क्रोनर राहत प्याकेज ल्याएको छ ।
नर्वेमा हालसम्म १४ सयको हाराहारीमा कोभिड–१९ संक्रमण भेटिएको छ । नर्वेमा विशेष गरी विदेशी यात्रामा गएका नागरिकहरुका माध्यमबाट कोरोना भित्रिएको समाचारमा आइरहेका छन् ।
तर अहिलेसम्म नेपाली समुदायमा कसैलाई पनि कोभिड -१९ देखिएको छैन । साथै विभिन्न संघ संस्था तथा सामाजिक व्यक्तित्वहरुले नेपाली समुदायलाई नआत्तिन र सावधान रहन भन्दै क्वारेन्टाइनमा बस्न परेको खण्डमा सहयोग गर्न तत्पर रहेको आश्वासन समेत दिइरहेका छन् ।
वि.सं.२०७६ चैत ५ बुधवार २१:१० मा प्रकाशित
