हामी सबैकाे संसारन्यूज

६ चैत, काठमाण्डौं । एनआरएनए पोल्याण्डका संस्थापक अध्यक्ष,हालका आइसी सदस्य तथा एनआरएनएको हेल्थ टाक्सर्फोस विभागसँग सहकार्य गर्दै आएका डा.बोधराज सुवेदी र उनकी पत्नि डा. एलिनी पोखरेल सुवेदीले कोरोना भाइरसका बारेमा युट्युवमार्फत् जनचेतना सन्देश दिन सुरु गरेका छन् ।

पोल्याण्डमै चिकित्शक पेशामा व्यस्त रहेका यी डाक्टर दम्पत्तिले पछिल्लोपटक विश्वव्यापी रुपमा फैलिरहेको कोरोना भाइरस र त्यसको संक्रमणबाट बच्नका लागि विभिन्न उपाय सुझाउँदै युट्वमार्फत् सन्देश प्रवाह गरेका छन् ।

डा इलिनीका अनुसार अहिले पोल्याण्डमा कोरोना भाइरस संक्रमितको संख्या २८७ जना पुगेको छ भने मृतकको संख्या ५ रहेको छ भने विश्वमै कोरोना भाइरस संक्रमितको संख्या २ लाख १५ जार पुगेको छ । साथै ८ हजार ८ सय जनाको मृत्यु भएको छ । सन्चो भएर घर फर्कनेको संख्या पनि ८४ हजार ३ सय रहेको तथ्यांक छ ।

यस भाइरसविरुद्धको औषधि अझै पत्ता नलागिसकेको अवस्था र विश्वकै मानव समुदायमा यसले त्रास फैलाइरहेका बेला सबैभन्दा राम्रो उपाय यो भाइरस संक्रमण हुनबाट जोगिनु डा. एलिनी सल्लाह दिन्छीन् ।

यस भाइरसको संक्रमणबाट बच्नका लागि पोल्याण्ड सरकारले विदेशबाट आउने जहाज रोकिसकेको तथा रेलहरु चल्न रोक लगाएको, बालमन्दिर, स्कुल, कलेज, विश्व विद्यालय समेत बन्द गरिसकेको र होम आइसोलेसन, वार्ड वाइसोलेसन, अभर्जभेसन, क्वारेटाइन गरिएको पनि डा. इलिनी बताउँछीन् ।

उनले सम्पूर्ण नेपालीहरु (स्वदेशवासी) लाइ अति आवस्यक पर्दामात्र बाहिर निस्कन तथा एकअर्काबाट एकमिटर दूरीमा रहन सुझाएकी छन् । उनले वाइसोलेसन, अभर्जभेसन, क्वारेटाइनको लागि आफै सचेत हुन सुझाव दिँदै भनेकी छन् ‘किनकि भोली यो रोग नेपालमा धेरै फैलिएका खण्डमा, नेपाल सरकारलाइ र हाम्रा बुवा, आमा, दिदि , बहिनी, दाजु, भाइलाई सजिलो हुने छैन । नेपालमा बस्ने हामी धेरै नेपालीहरुको स्वास्थ्य बिमा छैन । यो आपतकालिन परिस्थितिमा बिकसित देशहरु त अलमल देखिन्छन् भने हामीलाइ कति कठिन हुने छ भन्ने अनुमान तपाईहरुनै लगाउनु होला । तपाईहरुलाई तर्साउन खोजेको होइन तर होसियारी रहनुहुन अनुरोध मात्र हो । अन्तमा तपाईहरुको सु–स्वास्थ्यको कामना गर्दछौ ।’