हामी सबैकाे संसारन्यूज

७ चैत, कतार । विश्वव्यापी रुपमा फैलिएको कोरोना भाइरस संक्रमणलाई मध्येनजर गर्दै प्रवासी नेपाली मंच कतारले रोगसँग लड्ने क्षमताको वृद्धि गरेर मानसिक तनावबाट मुक्त हुन कतारका नोपलीलाई अनुरोध गरेको छ ।

मन्चका अध्यक्ष चानक पोखरेल र सचिव मोहन कार्कीले विहिबार एक प्रेस विज्ञप्ति जारी गर्दै यस्तो संक्रमणकालिन अवस्थामा आफू र अरुलाई पनि सुरक्षित राख्नका लागि कतार सरकारले जारी गरेको निर्देशनहरुलाई अक्षरस पालन गर्न समेत अनुरोध गरेको हो ।

महामारीका रुपमा फैलिएको यस किसीमको रोगले आज विश्वभर आतंक मच्याए पनि मानसिक चिन्ता भने लिनु हुँदैन । नब चिन्ताले मानिसलाई कमजोर बनाउँछ जस्का कारण उक्त व्यक्तिलाई नै रोगले च्याप्न सक्ने भएकोले कमजोर मानसिकताबाट मुक्त रहौं,’ उक्त विज्ञप्तिमा भनिएको छ, ‘आफ्नो दैनिक खाना, सरसफाई एवं आफू रहेको स्थानलाई फोहोरमैला मुक्त बनाउ, कुनै फलामजन्य बस्तु एवम् कसैसँग हात मिलाएमा तुरुन्तै साबुनपानीले वा हेण्ड सेनिटाइजरले हात धुने बानी बसालौं ।’

मन्चले कोरोना संक्रमणका जस्तै लक्षण देखा परेमा तत्काल स्वास्थ्य संस्थामा जान अनुरोध गर्दै बेलैमा उपचार गरेमा यसले अन्य ठाउँमा फैलनबाट बचाउने पनि अनुरोध गरेको छ ।