हामी सबैकाे संसारन्यूज

रेखा लक्ष्मणको कटेर जब त्यो,सीता गईन् बाहिर
पक्री रावणले लिएर चलिगो,त्यो राजधानी तिर
तेस्तै हो अहिले समस्त जनले,रेखा नकाट्नू अब
रेखाको अपमान गर्छ जसले,बाच्दैन ऊ सम्भव
. (२)

हाम्रा सौम्य परम्परा त अति नै,आनन्ददायी थिए
आई पश्चिमबाट मन्द बिषका,थैलाहरू भित्रिए
हाम्रा संस्कृति नासिदैछ अहिले ,हल्ला छ बेतालको
कोरोना अहिले घुसे नगरमा,हाम्रो त बेहाल भो
. (३)

चोखो सुध्द भएर ती नियमका,सन्मार्गका बन्धन
भन्थे पालन गर्न किन्तु अहिले,छोड्दै गयौँ झन्झन
खाना त्यो घरको त्यजेर हिँडियो,डिस्को झनै बारमा
‘कोरोना’ अति मस्तले सहजमै,घुम्दैछ सन्सारमा
. (४)
भन्छन् औषधि छैन डाक्टर हरू,सुन्दा त सन्त्रास छ
कोरोना तँ नआ नआ मुलुकमा,आए त बर्बाद छ
तेरो औषधि छैन किन्तु नजिकै,संपर्कमा हुन्न म
तेरा अङ्गप्रत्यङ्ग किन्चित झनै,कैले कतै छुन्न म
. (५)

. शीर्षक –#कोरोना#भाग-२ कविता, सुमधुर कला र गलाकी धनी बहिनी सरु बस्नेत बाट
. छन्द-(शार्दूलविक्रीडित)

https://www.facebook.com/bidur.adhikari.5439/videos/10220068231072803/