हामी सबैकाे संसारन्यूज

१४ चैत्र । अफ्रिकामा उत्तरी अफ्रिकाबाट फैलिएको कोरोना महामारी अब कुल ५४ अफ़्रिकिन देश मध्य ४२ भन्दा बढी देशमा फैली सकेको छ । सबै भन्दा बढी संख्या ९२७ जना संक्रमीत दक्षिण अफ्रिका २६ मार्च(बिहिबार) देखि पुर्ण लकडाउनमा गइसकेको छ भने अन्य देशहरु पनि संक्रमणको प्रारम्भिक अबस्थामा छन र नियन्त्रणका उपाय भर्खर अपनाउन थालेका छन । पुरै महादेश भरी अहिले सम्म ३३९१ जना भन्दा बढी संक्रमण र ४२ जनाको मृत्यको पुष्टि भैसकेको छ ।

सबैभन्दा बढी असर हुँदै गरेका देशमा दक्षिण अफ्रिका लगायत उत्तर अफ्रिकाका मोरक्को, इजिप्ट, अल्जेरिया, मोरक्को र ट्युनिसिया छन भने पश्चिम अफ्रिकाका घाना, बुर्कानो फासो, नाइजेरिया, सेनेगल र आइभोरी कोस्टमा संख्या बढने क्रममा छ । मध्य र पुर्बी अफ्रिकाका कङ्गो, रुवान्डा, केन्या, युगान्डामा सयको संख्या भन्दा कमै संक्रमण अहिलेसम्म भए पनि गत हप्ता देखि ज्यामितिय हिसाबले यो संख्या बढीरहेको छ ।

रोकथाम र उपचार गर्न सक्ने क्षमता तुलानात्मक रुपमा कमजोर रहेको यो महादेशमा शुरुमै यो संक्रमण नियन्त्रणमा नआए स्थिति भयावह हुने आँकलन गरिएको छ । सात हजारको संख्यामा नेपाली रहेको आँकलन गरिएको अफ्रिकामा ३० देश भन्दा बढीमा नेपालीको उपस्थिति छ भने संख्यात्मक रुपमा युगान्डा, सेसेल्स, नाइजेरिया, दक्षिण अफ्रिका, केन्या, घाना, जाम्बिया, कङ्गो र तान्जानियामा उपस्थित बढी छ ।

हालसम्म यहाँका नेपालीहरु यसको संक्रमणबाट प्रभावित भएको जानकारीमा आएको छैन ।

(हिक्मत थापाको सामाजिक सञ्जालबाट । थापा  : एनआरएनए आईसीसी पूर्व कोषाध्यक्ष हुन्)