Sansar News
१४ चैत, काठमाण्डौं । धनगढीमा पनि एक युवामा कोरोना भाइरस संक्रमण भएको पुष्टि भएको छ ।
स्वास्थ्य मन्त्रालयले दुवईबाट आएका धनगढीका ३४ वर्षे एक युवालाई कोरोना संक्रमण भएको शुक्रबार पुष्टी गरेको हो ।
स्वास्थ्य मन्त्रालयका प्रवक्ता विकास देवकोटाका अनुसार धनगढीको प्रादेशिक अस्पतालमा उपचाररत उनी ११ चैतमा अस्पतालमा भर्ना भएको बताइएको छ ।
यसअघि नेपालमा तीनजनामा कोरोना भाइरस संक्रमण भएको पुष्टी भएको छ । यी युवासँगै भाइरस संक्रमण हुनेको संख्या ४ पुगेको छ । जसमा २ जना दुवईबाट, १ जना चीन र एकजना युवती फ्रान्सबाट आएका थिए । चीनबाट आएका युवा निको भइसकेका छन् भने युवती र अर्का दुवईबाट आएका युवा टेकु अस्पतालमा उपचाररत छन् ।
काठमाण्डौमै एकजनामा कोरोना संक्रमित, अब धैर्यता र संयमताको खांचो
कोरोना संक्रमण देखिएका युवा कतारबाट आएको मन्त्रालयद्धारा जानकारी
वि.सं.२०७६ चैत १४ शुक्रवार १९:३३ मा प्रकाशित
