१७ चैत्र, काठमाडौँ । संसार नै ‘लकडाउन’ गराएको नोबेल कोरोना भाइरस अर्थात् (कोभिड १९) को पछिल्लो प्रभाव विश्वभर बढीरहेको छ ।
चीनको हुवेईको वुहान सिटीबाट सुरु भै इटाली, स्पेन र अमेरीकालाई थला पार्दै यो विश्वका १९९ देश पुगिसकेको छ ।

सन् २०२० मार्च ३० बिहान ८ बजे सम्म प्राप्त समाचार अनुसार संसारका ७ लाख २२ हजार मानिसमा कोरोना भाइरस सल्केको छ भने मृत्युको संख्या ३३,९६६ पुगेको छ । निको भएकाहरुको संख्या १,५१,३१२ छ भने उपचाररत बिरामीको संख्या ५,३६,६२५ रहेको छ । जसमध्ये २६७८९ को स्थिति चिन्ताजनक रहेको छ ।

वल्र्डोमीटरका अनुसार चीनमा प्रभावितको संख्या ८१४३९ र मृत्युको संख्या ३३०० पुगेर लगभग रोकिएको छ । अमेरिकामा मात्रै प्रभावितको संख्या १,६०,००० पुगेको छ झण्डै ३ हजारको मृत्यु भएको छ ।

इटालीमा झण्डै १ लाख ३ हजार प्रभावित भएका छन् भन् ११ हजार को मृत्यु संख्या पुगेको छ । प्रभावका हिसाबले अमेरिका, इटाली, चीन, स्पेन, जर्मनी क्रमशः छन् भने मृत्यु संख्याको हिसाबले इटाली पहिलो, चीन तेस्रो र स्पेन दोस्रो क्षति व्यहोर्ने देशमा छन् ।