हामी सबैकाे संसारन्यूज

म भएर सबैथोक भएको होइन
सबैथोक भएर म भएको पनि होइन ।

म भएर पनि कसैलाई केही फरक नपर्न सक्छ
म नभएर पनि कसैलाई केही फरक नपर्न सक्छ
सबैथोक भएर पनि मलाई केही फरक नपर्न सक्छ
सबैथोक नभएर पनि मलाई केही फरक नपर्न सक्छ ।

पहिले म नहुदा पनि बाँकी सबैथोक जस्ताको तस्तै थियोे
अहिले म हुँदा पनि बाँकी सबैथोक जस्ताको तस्तै छ
सबैथोक हुँदापनि पहिले म थिइनँ
सबैथोक हुँदा पनि अहिले म छु
सबैथोक हुँदा पनि पछि म नहुन सक्छु
सबैथोक नहुँदा पनि पछि म हुन सक्छु ।

म सङ्ग अहिले केही पनि छैन
कहिले म सङ्ग सबैथोक हुन पनि सक्छ
कहिले म सङ्ग केही नहुन पनि सक्छ ।

सबैथोक सङ्ग म हुन पनि सक्छु
सबै थोक सङ्ग म नहुन पनि सक्छु
म सङ्ग सबैथोक हुन पनि सक्छ
म सङ्ग सबै थोक नहुनपनि सक्छ ।

सबै थोक भएर पनि मलाई केही फरक नपर्न सक्छ
सबै थोक नभएर पनि मलाई केही फरक नपर्न सक्छ ।

सबै थोक भएको सङ्ग म नभएको हुन सक्छु
म जो सङ्ग रहेको छु
उ सङ्ग म बाहेक बाँकी अरु केही पनि नभएको हुन सक्छ ।

बाँकी सब ैथोक भएर पनि यदि म भइन भने
अरु केही भए पनि र नभए पनि
फेरि कहिल्यै लेखिने छैनन्
लेखिन बाँकी कविताहरु
बाँकी सबै थोक नभएर पनि यदि म भए भने
बाँकी अरु केहि नभए पनि
सदैव लेखिने छन
लेखिन बाँकी सम्पूर्ण कविताहरु ।