हामी सबैकाे संसारन्यूज

पाउमा राख्नेलाई, शिरमै सजाईयो भुल भयो
अन्जानैमा बैगुनीलाई, गुन लगाईयो भुल भयो
आज जिन्दगीमा, पुर्पुरो समाएर रुने भएको छु,
मनलाई क्षणिक, खुशीमय बनाईयो भुल भयो ।

२.
अरुबेला कुकुर जसरी भुक्छन, पार्टिका झोलेहरु
बिपतको बेलामा,कहाँ लुक्छन पार्टिका झोलेहरु
अन्धभक्तहरुलाई, पार्टिको समर्थन गर्न पाए भयो,
त्यसैले सधै निर्णयमा चुक्छन, पार्टिका झोलेहरु ।

३.
अझै फेरिएन, तिम्रो जिस्किने बानि उस्तै हो
हुन त हाम्रो, बाल्यकालको कहानी उस्तै हो
ए कान्छी उर्लिएको बैश, सम्हालेर हिडनु ल,
बुझ्न खहरेको पानी, तिम्रो जवानि उस्तै हो ।

४.
तितो बिगत, आँखामा लगातार आईदिन्छ
रोक्न कोशिस गरे तर, बारम्बार आईदिन्छ
सबै बिर्सेर जिन्दगीमा, अघि बढन खोज्दा,
सधै यो दिमागमा, पहिलो प्यार आईदिन्छ ।

५.
कठै ति नेपाल आमाको हालत, अबला देखियो
सदन र सत्ताका भोगीको, नयाँ श्रृखला देखियो
अन्त्यमा आएर आफ्नो, औकात आफैले देखाए,
महान राष्ट्रबादिको फरक, चर्तिकला देखियो ।