हामी सबैकाे संसारन्यूज

सिरियाको उत्तरी सहर अलेप्पोको अवस्थाको विषयमा ‘अरव लिंग काउन्सिल’को विशेषबैठकमा सोउक्रीले गर्नु भएको सम्बोधनमा उहाँले सिरियाली मालिमा र त्यहाँ जारी आतङ्कवाद रोक्नको लागि अन्तर्राष्ट्रियस्तरबाट पनि प्रतिकार गर्नु पर्ने बताउनु भएको छ ।
विदेश मन्त्रीहरुको सहभागीता रहेको यस वार्तामा राजनितिक समाधानतर्फ पुग्न र सिरियामा जारी युद्ध रोक्न असफल हुनुको प्रमुख कारण अलेप्पोको डरलाग्दो अवस्थाका रहेको सोउक्रीलाई उद्र्धुत गर्दै राज्यद्धारा सञ्चालित समाचार समिति मेनाले जानकारी दिएको छ ।
अलेप्पोमा जारी मानवीय अवस्थाको मार्गचित्र बनाई समाधान गर्न इजिप्टले पनि सहयोग तयार रहेको पनि उहाँले बताउनु भएको छ ।
कुनै पूर्वशर्त र बाहाना विना नै सिरियामा राजनितिक प्रक्रिया सुरु गर्न र सिरियाली जनतालाई भयभीत बनाउने कार्य रोक्न पनि उहाँले आह्वान गर्नु भएको छ ।
सिरियाको व्यापारिक केन्द्रको रुपमा रहेको अलेप्पो सहर सन् २०१२ देखि दुई भागमा विभाजन भएको थियो । अलेप्पोको पश्चिभी भाग सरकारी नियन्त्रणमा र पूर्वी जिल्लाहरु विद्रोहीको नियन्त्रणमा रहेका थिए ।
सिरियाली सरकारी सुरक्षाबलले गत तीन हप्तायता जारी राखेको सुरक्षा कारबाहीमा अलेप्पोको ९९ प्रतिशत भाग नियन्त्रणमा लिएको छ । सरकारी नियन्त्रणपछि हजारौको सङ्ख्यामा व्यक्तिहरुलाई त्यहाँबाट निकाल्ने कार्य सुरु भएको छ ।
सिरियामा सन् २०११ को मार्च महिनामा सुरु भएको जनआन्दोलन केही समयपछि गृहयुद्धमा परिणत भएको थियो । जारी गृहयुद्धको कारण २०११ देखि हालसम्मा मृत्यु हुनेको व्यक्तिको सङ्ख्या तीन लाख १२ हजार पुगेको बेलायतस्थित सिरियाली मानवअधिकारवादी संस्थाले हालै जनाएको छ ।

सिरियन अब्जरभेटरी फर ह्युमन राइट्सले करिब एक हप्ता अगाडी सार्वजनिक गरेको तथ्याङ्कमा युद्धका कारण तीन लाख १२ हजार व्यक्तिको मृत्यु भएको र यसमध्ये ९० हजार सर्वसाधारण रहेका बताएको छ ।
यस द्वन्द्वको कारण लाखौँ व्यक्ति घाइते भएका छन् भने, लाखौँ आफ्नो देश या विदेशका शरणार्थी जीवन बिताउन बाध्य छन् । रासस ÷सिन्ह्वा ÷एएफपी