हामी सबैकाे संसारन्यूज

१
सकिन्न हेर चन्द्रमा छुन दुइ हात उचाली
जोतिन्न धरती विचारी हेर फाली त्यो फुकाली
खनि र खोस्री मलजल गरी रोपेर हेर विउ
तै पनि हेर फल्दैन फल पसिना नहाली !

२
भतभत् पोलेका छन् पैताला खिएर
दश ठाँउ फाटेको यो हृदय लिएर
मुस्कुराउँदै हिडेकी छु यो संसारमा
सबैलाइ खुसी दिएर आफू आँसु पिएर !

३
यो असिनाले ति भरखरै रोपेका फूलहरु नमरुन्
पाक्नै लागेका लटरम्म तोरी कोसा फुटेर नझरुन्
यो असिना सोधेर नआउने जता परेनि परोस् बरु
नहानोस् दुखियाको झोपडीमा कोही अलपत्र नपरुन् !

४
गुन्द्रुक र भात देखि मुन्टो नबटार है !
जे दिन्छु त्यही लिन दुइ हात पसार है !
संसारभरि कोरोनाको डरत्रास भएको बेला
भित्रैबस सफा बस रोग नसार है !

५
मैले गरेको काम हेर्ने नजर चाहियो
मेहनतमा मुस्कुराउने अधर चाहियो
आफ्नै पाखो खनिखोस्री हराभरा पार्दा
फलाएको सब्जि किन्ने बजार चाहियो !

पोखरा-१९, लामाचौर