हामी सबैकाे संसारन्यूज

१५ बैशाख, आयरल्याण्ड । गैरआवासीय नेपाली संघ राष्ट्रिय समन्वय परिषद् एनआरएनए आयरल्याण्डले आयरल्याण्डमा मृत्यु भएकी उजेली कुमारीको परिवारलाई आर्थिक सहयोग गर्ने भएको छ ।

समितिको कोभिड-१९ सहयोग तथा समन्वय समितिको सचिवालय बैठकले उक्त निर्णय गरेको हो ।

समितिका संरक्षक तथा यूरोप उपसंयोजक शुक्रराज न्यौपानेको बिशेष उपस्थितिमा संयोजक एवं अध्यक्ष मिलन छन्त्यालको अध्यक्षता तथा महासचिव ओम अधिकारीको सञ्चालनमा सम्पन्न भएको उक्त बैठकमा समितिका सदस्य तथा आईसीसी सदस्य विनोद कार्की, पूर्वअध्यक्ष एवं संरक्षकहरु गणेश प्रसाई, राजन काफ्ले, नवराज कोइराला, प्रमूख सल्लाहकार बसन्त न्यौपाने, उपाध्यक्षहरु अवेद्य पाणि गौतम, रामप्रसाद सापकोटा, सुनिता कार्की, कोषाध्यक्ष सुमन गुरुङलगायतको उपस्थित रहेको बैठकले उक्त समितिका पंजिकृत सदस्य तथा उजेलीका श्रीमान रमेश कुमारलाई २ हजार युरो सहयोग गर्ने निर्णय गरेको हो ।

त्यसैगरी सोहि बैठकले केन्द्रको कोभिड १९ राहतकोषमा १ हजार युरो सहयोग गर्ने निर्णय समेत गरेको छ ।
समितिले कोभिड १९ को महामारीको कारणले प्रभाबित आयरल्याण्डवासी नेपाली दाजुभाइ दिदीबहिनीहरुले आयरल्यान्ड सरकारबाट उपलब्ध हुने welfare प्राप्त नगरेको तथा राहत आवश्यक परेको खण्डमा समितिमा सम्पर्क गर्न अनुरोध समेत गरेको छ ।

कोभिड १९ सहयोग समितिले आयरल्याण्डमा रहेका सहयोगी मनका धनीहरुले एनआरएनए आयरल्याण्डको खाता नम्बर NRNA NCC IRELAND CLG, AIB BANK DAME STREET DUBLIN 2, IBAN: IE62AIBK93208661644176 BIC: AIBKIE2D मा रकम जम्मा गरेर समस्यामा परेकाहरुलाई मल्हम लगाउन सकिने जानारी मिेत दिइएको छ ।