हामी सबैकाे संसारन्यूज

१८ बैशाख, कतार । गैरआवासीय नेपाली संघ राष्ट्रिय समन्वय परिषद् (एनआरएनए एनसीसी) कतारले कोरोना भाइरस (कोभिड १९) बाट प्रभावित नेपाली समुदायमा थुप्रै राहत वितरण तथा सहयोग गरेको छ ।

कतारमा रहेका केही नेपाली श्रमिकहरुमा देखा परेका समस्याहरुलाई समाधानका निम्ति एनआरएनए एनसीसी कतारद्वारा गठित उद्दार तथा राहत बितरण समितीद्वारा श्रमिक कोषमार्फत २७ अप्रिलमा कतारका विभिन्न ठाउँमा रहेका कोरना भाइरसबाट प्रभाबित ६३ जना नेपाली श्रमिकहरुलाई खाद्यान्न वितरण गरेको हो ।

जसमध्ये ६० महिला र तीनजना पुरुषलाई राहत वितरण गरेको जनाएको छ । राहतमा चामल, तेल, दाल, प्याज, आलु, चना, सोयाबिन, नुन, सिजनेबल तरकारी, चाउचाउलगायतका खाद्य सामग्री वितरण गरेको हो ।

राहत बितरण कार्यक्रममा प्रत्यक्ष सहभागी आईसीसी मध्यपूर्ब संयोजक प्रबिण गुरुङ्ग, एनसीसी परिवार र राहत तथा उद्दार समिति सदस्यहरु प्रति संघले आभार व्यक्त गरेको छ ।