हामी सबैकाे संसारन्यूज

२६ बैशाख, कतार । नेपाली दूतावास कतारले कतारबाट फर्काएका ९४ नेपाली कामदारको तलब नेपाल पठाइएको जानकारी दिएको छ ।

दूतावासले शुक्रबार एक सूचना जारी गर्दै गत मार्चमा नेपाल फर्काएका Al Bandary Engineering Trading & Contracting Company   मा कार्यरत ८४ जना र Aluminum Gulf Ray मा कार्यरत १० जना नेपाली कामदारको तलब तथा नियमअनुसार पाउन बाँकी रहेको रकम नेपाल पठाइएको जानकारी दूतावासले दिएको छ ।

दूतावासका अनुसार कतारी रियाल ३ लाख ४६ हजार ३२० र २६ हजार ८०१ दूतावासले उक्त कम्पनीबाट प्राप्त गरेपछि नेपाली कामदारले नेपालमा पाउने गरी २२ अप्रिलमा टिटि गरी कन्सुलर सेवा विभाग काठमाण्डौंमा पठाइएको जानकारी दूतावासले दिएको छ ।