हामी सबैकाे संसारन्यूज

२६ वैशाख,काठमाडौं । दक्षिण एसियाली खेलकुद (साग) मा दोहोरो स्वर्ण पदक विजेता आयशा शाक्यले दृष्टि विहिनहरुलाई खाद्यान्न सहयोग गरेकी छिन । कोरोना भाइरस (कोभिड१९) को संक्रमण फैलन नदिन सरकारले गरेको लकडाउनका कारण विभिन्न क्षेत्रमा रहेका मानिसहरुलाई आर्थिकरुपमा निकै कठिनाई भइरहेको बेला उनले अपाङ्गहरुलाइृ सहयोग गरेकी हुन।

शुक्रबार कीर्तिपुर स्थित ‘न’ गाँउमा रहेका ३५ दृष्टि विहिनलाई सोही ठाँउ पुगेर आयशाले खाद्यान्न हस्तान्तरण गरेकी थिइन् । राहतमा १० केजी चामल, दाल १ केजी, चिउरा १ केजी, तेल १ लिटर, नुन १ केजी, भुजा १ केजी र चाउचाउ ४ प्याकेट रहेको छ ।

सागमा पदक जिते वापत सरकारले हालै नगद पुरस्कारबाट सम्मानित गरेपछि आयशाले सोहीबाट सहयोग गरेको बताइएकी छिन । ‘अरु खेलाडीहरुले पनि यो कठिन अवस्थामा सहयोग गरिरहनु भएको छ’, आयशाले भनिन्, ‘आफुले सक्दो सहयोग गर्नुपर्दछ भन्ने मलाई पनि लागेकोछ । त्यस माथि दृष्टिविहिनहरुलाई सहयोग गर्दा थप आनन्द महसुस गरें ।’

एसियाली खेलकुदकी कास्यपदक विजेता समेतरहेकी आयशाले मंसिरमा स्वदेश मै आयोजना भएको सागको तेक्वान्दोको पुम्सेमा दोहोरो स्वर्णपदक जितेकी थिइन।