हामी सबैकाे संसारन्यूज

थिएन भूत अनिधो भविष्य वर्तमान हो हाम्रो
हौं भाग्यमानी संसारभरकै भूभाग यो राम्रो ।।

देवताले बास गरेको ठाँउ घर हाम्रो यहि हो
हरा र भरा बनाएर राखौं कर्तव्य त्यही हो ।।

हिमाली पहाडी मधेसी सबै हामी हौं नेपाली
स्वर्गकै समान यो देशलाई राख्नु छ जोगाइ ।।

साँझ र बिहान दिन र रात केही पनि नभनी
सुन्दर देशलाई झन् सुन्दर पारौं अल्लारे नबनि ।।

पाएर पनि प्रकृतिबाट अनमोल वरदान
सदुपयोग गर्न सकेनौ हाम्ले भएर अन्जान ।।

बिराइ बाटो बढ्दैछौं हामी सहि यो भएन
पाइन्थ्यो सुख गरेको भए नगर्दा पाइएन ।।

नेपाली हामी मिलेर सधैं गरौंन मनन
हाम्रो यो सिको आउँदो पुस्ता समेतले गरुन ।।

देवता साक्षी राखेर बढौं, हौं उन्कै सन्तान
पौरख गर्न बल हाम्लाई मिल्छ अवस्य भन्ठान ।।

आर्जेर गए पुर्खाले यहाँ हाम्लाइनै भनेर
निर्धक्क बाँचुन आफ्ना सन्तान बलवान बनेर ।।

पुर्खाले गरेका नकामको सिको नगरौं पटक्कै
बिराएको भए हामीले बाटो छोडीदिउँ चटक्कै ।।

आउँदो पुस्ता गौरव गरुन् हाम्रो यो कामले
संसारैभरी सुवास फैलोस नेपाल नामले ।।

थिएन भूत भविष्य होइन वर्तमान हो हाम्रो
पुर्खाले जस्तै हामीले पनि गरिदिउँ काम राम्रो ।।

पालुङ्ग,मकवानपुर,हाल-काठमाण्डौं