Sansar News
३१ बैशाख, यूएई । कोरोनाका कारण युएईमा मंगलबार दुई नेपालीको मृत्यु भएको छ ।
युएईको आवुधाविमा एक रेष्टुरेण्टमा कार्यरत अर्घाखाँचीका ३९ वर्षीय र युएईकै अलऐनमा कार्यरत ठेगाना नखुलेका अर्का एक नेपालीको मृत्यु भएको हो ।
कोरोना सङ्क्रमणका कारण लामो समयदेखी उपचाररत अर्घाखाँचीका युवालाई कोरोना सङ्क्रमण हुनासाथ आबुधावीको ब्रुजेल अस्पतालमा भर्ना गरिएको थियो । अवस्था नाजुक बन्दै गएपछि उनलाई अलऐनको ब्रुजेल अस्पतालको भेन्टिलेटरमा राखेर उपचार गरिएको थियो ।
उनको कोरोना संक्रमणको उपचारकै क्रममा मृत्यु भएको अस्पतालले परिवारलाई जानकारी दिएको छ । साथै अघिल्लो सातामात्रै अर्घाखाँचीकै अर्का एक युवाको पनि कोरोना संक्रमणका कारण ज्यान गएको थियो ।
पछिल्लो समय यूएईमा कार्यरत नेपालीमा कोरोना सङ्क्रमण बढे पनि राष्ट्रियता नखुलाइदिँदा दूतावासले सङ्क्रमित नेपालीको यकिन विवरण दिन सकिरहेको छैन ।
वि.सं.२०७७ वैशाख ३१ बुधवार १०:०० मा प्रकाशित
