हामी सबैकाे संसारन्यूज

३१ बैशाख, काठमाण्डौं । नेपाल कम्युनिष्ट पार्टी (नेकपा) को आज बस्ने भनिएको स्थायी कमिटीको बैठक स्थगीत भएको छ ।

देशमा कोरोनाको संक्रमण बढ्दै गएपछि थप सुरक्षा सतर्कता अपनाउँदै केही दिनका लागि बैठक स्थगीत गरिएको हो ।

सुरक्षा तथा स्वास्थ्य सम्बन्धी निकायले झण्डै ४०–५० को संख्यामा उपस्थिति रहने उक्त बैठकमा कोरोनाको उच्च जोखिम रहेको र सबैको पिसीआर टेष्ट गरेपछि मात्र बैठक बस्न सुझाव दिएकोले बैठक केही समयका लागि रोकिएको हो ।

यसैगरी नेकपाका नेता तथा पूर्वगृहमन्त्री भिम रावलको सुरक्षा गार्डमा पनि कोरोना संक्रमण देखिएको समाचार पनि बाहिर आएका छन् ।

त्यसैगरी उपत्यकामै पनि कोरोना संक्रमित देखिएको र थप सतर्कता अपनाउनुपर्ने भन्दै सरकारले संघीय सांसदहरुलाई उपत्यका बाहिर जान रोक लगाएको छ ।

स्मरण रहोस् केहि दिन अघि मात्र प्रतिनिधिसभा र राज्यसभाका सबै सांसदहरुको पिसीआर टेष्ट गरेपछि मात्र संसदको बैठक बसेको थियो ।