हामी सबैकाे संसारन्यूज

४ जेठ, काठमाण्डौं । प्रधानमन्त्री केपी शर्मा ओलीले नेपालमा पहिलोपटक कोरोना भाइरसबाट २९ वर्षीया महिलाको मृत्युले आफू दुःखीत भएको बताएका छन् ।

‘कोरोनाका संक्रमणबाट कसैले पनि ज्यान गुमाउन नपरोस् भन्ने सरकारको प्रयासका बाबजुद पनि सिन्धुपाल्चोक निवासी सुत्केरी महिलाको मृत्युको खबरले मलाई अत्यन्त दुःखी तुल्याएको छ ।’ प्रधानमन्त्रीले सामाजिक संजाल ट्विटरमार्फत दुःख व्यक्त गरेका छन् ।

प्रधानमन्त्रीले शोकाकुल परिवारमा गहिरो समवेदना व्यक्त गर्दै भनेका छन्, ‘यस महामारीबाट अरू मानवीय क्षति रोक्न सरकारले जारी प्रयासलाई थप सशक्त बनाउने छ ।’

उपचारका लागि धुलीखेल अस्पताल आएकी सिन्धुपाल्चोक बाह्रबिसे नगरपालिका ९ की २९ महिलाको बिहिबार राति निधन भएको थियो ।

नेपालमा कोरोना संक्रमणबाट पहिलो व्यक्तिको मृत्यु, संक्रमितको संख्या २८१ पुग्यो

उनी नेपालमा कोरोना संक्रमणबाट मृत्यु हुने पहिलो व्यक्ति हुन् । नेपालमा हालसम्म कोरोनाबाट संक्रमित हुनेहरुको संख्या २९१ पुगेको छ ।

कोरोनाको संक्रमणबाट कसैले पनि ज्यान गुमाउन नपरोस् भन्ने सरकारको प्रयासका बावजुद सिन्धुपाल्चोक निवासी सुत्केरी महिलाको मृत्युको खबरले मलाई अत्यन्त दुःखी तुल्याएको छ। मृतकप्रति भावपूर्ण श्रद्धाञ्जलि र शोकाकुल परिवारजनमा गहिरो समवेदना ब्यक्त गर्दछु।

— K P Sharma Oli (@kpsharmaoli) May 17, 2020