हामी सबैकाे संसारन्यूज

विश्वासको खडेरीको अन्त हुने, अनियमितता र भ्रष्टाचारलाई जघन्य अपराधको रुपमा राज्यले व्यवहार गर्ने हो भने र प्रविधिको दुरुपयोग नहुने सम्बन्धित पक्ष इमान्दार र समाज र राज्यप्रति जिम्मेवार एबम जवाफदेहिता अनिबार्य हुने हो भने चिठ्ठा अर्थात् LOTTERY र LOTTO  संचालन गर्दा राष्ट्रलाई घाटा हुँदैन । विश्वका सबै बिकसित– अविकसित देशले संचालन गरिआएका छन् । यसको सकारात्मक पक्ष नै धेरै भएर नै त होला अमेरिका जापान अस्ट्रेलिया बेलायत भारत लगायत धेरै देशमा संचालित छन् ।

नेपालमा पनि एक समयमा जनकल्याण र रेडक्रस भन्ने चिठ्ठा थियो । अलिअलि सम्झना छ – अधिकृतको ५०१ रुपिया तलब हुँदो हो, कसैलाई २० हजारको रेडक्रस चिठ्ठा परेको थियो । त्यस बेला उपत्यकाको धेरै ठाउँमा २–४ हजारमा १ रोपनी जमिन आउँथ्यो । चिठ्ठा संचालनको सकारात्मक पक्ष (उदाहरण अमेरिकाको) नागरिकको पुँजी परिचालन २ प्रत्येक हप्ता कम्तिमा ६ जनालाई बहु मिलियन बनाउने ३ राज्यले कम्तिमा ३५ प्रतिशत राजस्व(TAX ) संकलन गर्ने र त्यहि पैसा कम आम्दानि हुने परिवारको शिक्षा र स्वास्थ्य उपचार लगायत खानेकुरो (कार्ड) दिने, ४ प्रत्येक राज्यमा हज्जारौले रोजगारी (LOTTO/LOTTERY) / LOTTO ले जित्नेलाई पुरस्कार दिएर राखेको निश्चित संकलित रकम मध्य बार्षिक रुपमा सरकारी स्कुल र अस्पताललाई सहयोग गर्ने,  नागरिकको सम्पति नागरिककै हितमा प्रयोग हुने, नागरिकलाई धनि बनाउने, नागरिक कै सम्पतीले अर्काे नागरिक धनि बन्ने, उसले खोल्ने वा संचालन गर्ने व्यवसायले थप हज्जारौले रोजगारी पाउने,  नागरिकको सम्पति नागरिकको हितमा नै लगाउने यस्तो LOTTO/LOTTERY नेपालले किन संचालन नगरेको होला ? इमान्दारिताको कमि भएर ? अथवा बेइमानीको डर ? आाजको आधुनिक प्रबिधिलाई व्यवस्थित गरेर LOTTO संचालन गर, सरकार बिदेशीसँग भिख मागी रहनु नै पर्दैन ।