Sansar News
९ जेठ, काठमाण्डौं । नेपालमा पछिल्लो पटक २० जना नयाँ कोरोना संक्रमित भेटिएका छन् ।
स्वास्थ्य तथा जनसंख्या मन्त्रालयका अनुसार पछिल्लो पटक संक्रमित हुनेमा सेति प्रादेशीक अस्पतालमा गरिएको परीक्षणमा कैलालीको जानकी माई गाउँपालिकाको सरस्वती माविको क्वारेन्टाइनमा बसेका १९, २३, २६ वर्षीय पुरुष रहेका छन् ।
भेरी अस्पताल बाँकेमा गरिएको परीक्षणमा नरैनापुरका १३ जना र राप्ती सोनालीका १८ वर्षीय पुरुष रहेका छन् । उनीहरुको उमेर १८ देखि ६१ वर्षीय रहेका छन् ।
त्यसैगरी डडेल्धुरा फर्शुराम १० का २८ वर्षीय पुरुष, बैतडी शिवनाथ १ का २२ वर्षीय पुरुष, मोरङ रतुवामाई २ का ४१ वर्षीय पुरुष रहेका छन् ।
नेपालमा आजमात्रै ४९ जना नयाँ संक्रमित भेटिएका हुन् । संक्रमित ५०७ जनामा पुरुष ४३३ र महिलाको संख्या ७४ रहेको छ ।
बिहानै थपिए ३० जना कोरोना संक्रमित, संक्रमितको संख्या ४८७ पुग्यो
वि.सं.२०७७ जेठ ९ शुक्रवार १६:४१ मा प्रकाशित
