Logo
१४ असार २०७९, मंगलवार
     Tue Jun 28 2022
E-paper
  English Edition
   Unicode
Logo

आज संविधान संशोधन विधेयक पारित हुदै, सरिता गिरीको संसोधन प्रस्ताव अस्विकृत हुने



३१ जेठ, काठमाडौं । आज दिउँसो ठिक १ बजे बस्ने प्रतिनिधि सभाको बैठकले नक्सा सम्बन्धी नेपालको संविधान दोस्रो संशोधन विधेयक पारित गर्ने भएको छ ।

सभामुखको सचिवालय श्रोतका अनुसार सो बैठकमा कानुन, न्याय तथा संसदीय मामिलामन्त्री शिवमाया तुम्बाहाङफेले नेपालको संविधान दोस्रो संशोधन विधेयक २०७७ माथि दफावार छलफल गरियोस भन्ने प्रस्ताव राखि केहि समय छलफल हुनेछ । सो लगतै कानुनमन्त्री तुम्बाहाङफेले नै उक्त विधेयकलाई पारित गर्ने प्रस्ताव राख्नेछिन र नक्शाको औपचारीक संसोधन हुनेछ ।

नेपालको बास्तविक सिमा लिम्पियाधुरा, कालापानी, लिपुलेक समेटेर हालै सार्वजनिक गरेको नेपालको नयाँ राजनीतिक तथा प्रशासनिक नक्सालाई संवैधानिक मान्यता दिने गरी सरकारले संविधान संशोधन विधेयक ल्याएको हो । यसमा सबै राजनैतिक दलहरुको मतैक्यता आएको छ ।

समाजवादी पार्टीले बिधेयकको पक्षमा मतदान गर्ने औपचारीक निर्णय गर्दागर्दै सो पार्टीकी सांसद सरिता गिरीले सरकारले ल्याएको नयाँ नक्सा मुताबिक संविधानको निशान छाप परिवर्तन गर्न नहुने भन्दै संशोधन प्रस्ताव दर्ता गरेर चर्चा बटुलेकी थिइन् । संशोधन प्रस्ताव दर्ता गरेको केही घण्टामै सो पार्टीले सांसद गिरीलाई आफ्नो संशोधन प्रस्ताव फिर्ता लिन नमाने कारबाही गर्ने चेतावनी पनि दिएको थियो । तर, उनले आफ्नो संशोधन फिर्ता लिइनन ।

सांसद गिरीले दर्ता गरेको संशोधन प्रस्ताव मुलुकको भौगोलिक अखण्डता र विधेयकको मूल मर्मविपरीत दर्ता भएको भन्दै सभामुख अग्नि प्रसाद सापकोटालाइ सो अस्वीकृत गर्न सुझाव दिइएको छ ।

यस्तो सुझाव गिरी संबद्द दलबाटै समेत आइसकेकोले प्रतिनिधिसभा नियमावली २०७५ को दफा ११२ अनुसार विधेयकमा संशोधन दर्ता गराउन ‘विधेयकमा निहित सिद्धान्तको विपरीत हुन नहुने’ र ‘अस्पष्ट वा निरर्थक हुन नहुने’उल्लेख भएकाले उनको संशोधन प्रस्तावलाई नै खारेज गर्ने सहमति देखिएको छ ।


यो खबर पढेर तपाईलाई कस्तो महसुस भयो ?

पोर्चुगल । रोजगारीका लागि पोर्चुगल पुगेका रुपन्देहीका युवाको त्यहाँ पुगेको केही दिनमै निधन भएको

काठमाडौं । रुस र युक्रेनबीचको युद्ध पाँचौं महिनामा चलिरहेको छ । लम्बिदोँ युद्धमा रुस

असारको पहिलो साता  बागबजारका २ जनामा देखिएको हैजा त्यसको एकसातामै १२ जनामा पुष्टि भएको

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ को छोरा प्रकाश दाहालको ककनीमा