Sansar News
सरकारले मलेसियाबाट अत्यावाश्यक परी नेपाल फर्कनु पर्ने नेपालीहरुलाई लक्षित गरी चार्टर्ड उडान गर्दैछ ।
मलेसियास्थित नेपाली दूतावासले १४ जुनमा एक सूचना जारी गरी नेपाल फर्कन चार्टर्ड गरिएको उडानबारे थप जानकारी दिएको छ । सूचनामा जुन १६, १८, २० र २१ मा नेपाल एयर लाईन्स र हिमालयन एयर लाईन्सले भर्ने चार्टड उडानका लागि टिकटको मूल्य तोकेको छ ।
जसअनुसार अमेरिकी डलर ३७२ अर्थात् मलेसियन रिंगेट १५९० वा नेपाली रुपैयाँ ४५,१०० तोकिएको दूतावासद्वारा जारी सूचनामा जनाइएको छ ।
यसअघिको टिकट दर महँगो भएको भन्दै जनगुनासो बढेपछि सरकारको आग्रहमा ती एयरलाईन्सहरुले भाडादरमा कटौती गरेका हुन् । मलेसियाका लागि यसअघि ४६५ अमेरिकी डलर रहेकोमा अब घटाएर ३७२ डलर कायम गरिएको हो । सूचनामा ती दुई एयर लाईन्सको टिकट कहाँबाट कसरी काट्ने भन्ने जानकारी पनि उल्लेख गरिएको छ ।
वि.सं.२०७७ असार १ सोमवार १६:३८ मा प्रकाशित
