हामी सबैकाे संसारन्यूज

१
एम सी सी नल्याउ संघियता खारेज गरेर देखाउ,
सरकार देश भित्र अमृतको बिउलाई छरेर देखाउ ।
संसादमा पनि देख्यौँ हिमाल पहाड मधेस एकगठ,
यहि बेलामा हो सरकार प्रगति पथमा सरेर देखाउ ।
२
हाम्रो छिमेकमा बन्दुक ताना तान भएको बेलामा,
एकले आर्कालाई समेत हाना–हान भएको बेलामा ।
सचेत र संगठित हुनुपर्छ हामि अखण्ड नेपाल भित्र,
उनिहरुको बिच लडाई जाना जान भएको बेलामा ।
३
सरकार अबता हामि गोर्खा भर्तीलाई बन्द गर्नु पर्छ,
सधै अर्काकै देशका लागी यसरी मर्न पछि सर्नु पर्छ ।
नपठाउ अब बलिको बोका बनाएर युवा शक्ती लाई,
अब त देश भित्रमा युवाहरुको पौरख लाई छर्नु पर्छ ।
४
कहिले कारगिल कहिले लद्धाखमा मर्न नपरोस् हामी,
वीरहरुले खान र लाउनमा गुलामी गर्न नपरोस् हामी ।
सरकार झिना मसिना रोजगारी देउ आफ्नै देश भित्र,
अर्काको देशमा सधै रगतको खोला तर्न नपरोस् हामी ।
५
हाम्रो देशका जनताहरु जातियतामा नफुटेपछि मात्र,
बलियो हुन्छ हिमाल पहाड तराई कोही नछुटेपछि मात्र ।
आत्मनिर्भर पनि अबस्य बन्छ हिमाली काख एकदिन,
तर दुश्मनहरुले हाम्रो पौरखलाई अब नलुटेपछि मात्र ।