हामी सबैकाे संसारन्यूज

१२ असार, काठमाडौँ । नेपालमा आज थप एकजनाको कोरोना संक्रमणका कारण मृत्यु भएको पुष्टि भएको छ ।

स्वास्थ्य तथा जनसंख्या मन्त्रालयका अनुसार असार ११ गते अन्दाजी ३० वर्षीया महिला राप्ती स्वास्थ्य विज्ञान प्रतिष्ठान दाङ नजिकै अचेत अवस्थामा प्रहरीले फेला पारेको थियो ।

https://www.facebook.com/sansarnewsnepal/videos/769138290496051/UzpfSTM4NjA5NDgwNDc0NDM0NTozMTkyNTMxNTY3NDMzOTc0/

उनलाई उपचारका लागि राप्ती स्वास्थ्य विज्ञान प्रतिष्ठान लगिएकोमा तत्कालै चिकित्सहरुले मृत घोषणा गरेका थिए । उनको मृत्यु पश्चात कोरोना परीक्षणका लागि श्वाव संकलन गरिएको थियो । जाँचका क्रममा विहिबार उनमा कोरोना संक्रमण भएको पुष्टि भएको छ ।

उनको हालसम्म पहिचान नखुलेको र उनको परिवारको खोजी भइरहेको पनि मन्त्रालयले जनाएको छ । उनीसँगै नेपालमा कोरोना संक्रमणबाट मृत्यु हुनेको संख्या २७ पुगेको छ ।