Sansar News
काठमाडौं । धितोपत्रको दोस्रो बजार भोलि (सोमबार)बाट खुल्ने भएको छ । नेपाल धितोपत्र बोर्डको सञ्चालक समितिको आइतबार बसेको बैठकले सोमबारबाट सेयर बजार खोल्ने निर्णय गरेको बोर्डका अध्यक्ष भीष्मराज ढुङ्गानाले जानकारी दिएका छन् ।
उनले बताएअनुसार कसरी र कुन माडालिटीमा बजार खोल्ने भन्ने निर्णय भने नेप्सेले गर्नेछ । बोर्डमा भएको निर्णयअनुसार नेप्सेलाई पत्राचार गर्ने तयारी भएको उनले बताए । नेप्सेलाई बोर्डले पत्राचार परेपछि नेप्सेले बजार खोल्ने मोडालीटी सार्वजनीक गर्ने अध्यक्ष ढुङ्गानाले जानकारी दिए ।
कोरोना महामारीको कारण सुरु भएको लकडाउनका कारण गत चैत १० देखि सेयर बजार बन्द छ । बीचमा वैशाख ३० र ३१ गते २ दिनका लागि खुलेको थियो । त्यसपछि पुनः बन्द भएको बजार लकडाउन खुकुलो भएर आर्थिक गतिविधि सुरु हुँदासमेत सञ्चालनमा नआउँदा चौतर्फी विरोध भइरहेको थियो ।
कोरोना महामारीको कारण सुरु भएको लकडाउनका कारण गत चैत १० देखि सेयर बजार बन्द छ । बीचमा वैशाख ३० र ३१ गते २ दिनका लागि खुलेको थियो । त्यसपछि पुनः बन्द भएको बजार लकडाउन खुकुलो भएर आर्थिक गतिविधि सुरु हुँदासमेत सञ्चालनमा नआउँदा चौतर्फी विरोध भइरहेको थियो ।
असार ६ गते बसेको धितोपत्र बोर्डको सञ्चालक समितिको बैठकले बजार खोल्ने विषयमा अध्ययन गर्न कार्यकारी निर्देशक परिष्ठनाथ पौडेलको संयोजकत्वमा समिति गठन गरेको थियो । उक्त समितिको प्रतिवेदनको आधारमा बोर्डले बजार खोल्ने निर्णय गरेको हो ।
वि.सं.२०७७ असार १४ आइतवार १३:३४ मा प्रकाशित
