हामी सबैकाे संसारन्यूज

१५ असार, काठमाडौं । साझा पार्टीका अध्यक्ष रविन्द्र मिश्रले प्रधानमन्त्री केपि शर्मा ओलीमा मानसिक समस्या देखिएको टिप्पणी गरेका छन् । उनले प्रधानमन्त्रीलाई गतिलो मानसिक रोग विज्ञ र विशेषज्ञको सल्लाह जरुरी रहेको बताए ।

भारत सरकारले आफुँलाई हटाउन प्रर्यत्न गरिरहेको भनेर चर्चा आएका प्रधानमन्त्रीलाई उचित मनोपरामर्शदाताको खाँचो भएको उनको तर्क छ । उनले रोग पत्ता नलाग्दा उपचार असम्भव हुने रहेको भन्दै समस्याअनुसार उपचार गर्न सल्लाहकारलाई सुझाए ।

हर हप्ता अत्यन्तै हलुका, सस्ता, तथ्यहीन, अशन्तुलित, विदेश सम्वन्ध र राष्ट्रिय छविमा आँच पुग्ने टिप्पणी गर्ने नेतालाई सही मनोपरामर्शदाता, मानसिक रोग विज्ञ र विशेषज्ञ सल्लाहकारहरूको खाँचो छ भन्ने वास्तविकता कसले बुझाइदिन सक्ला? कहिलेकाहिँ रोग पत्ता नलाग्दा उपचार असंभव हुन्छ।

— Rabindra Mishra (@RabindraMishra) June 29, 2020

‘हर हप्ता अत्यन्तै हलुका, सस्ता, तथ्यहीन, अशन्तुलित, विदेश सम्वन्ध र राष्ट्रिय छविमा आँच पुग्ने टिप्पणी गर्ने नेतालाई सही मनोपरामर्शदाता, मानसिक रोग विज्ञ र विशेषज्ञ सल्लाहकारहरूको खाँचो छ भन्ने वास्तविकता कसले बुझाइदिन सक्ला ?’ मिश्रले लेखेका छन्,। ‘कहिलेकाहिँ रोग पत्ता नलाग्दा उपचार असंभव हुन्छ।’

आइतबार मदन भण्डारीको ६९ औं जन्मजयन्तीको अवसरमा मदन भण्डारी फाउण्डेसनले बालुवाटारमा गरेको कार्यक्रममा प्रधानमन्त्री केपी शर्मा ओलीले आफ्नो सरकार ढाल्न छिमेकी मुलुक भारत लागेको आरोप लगाएका थिए । ओलीले सरकार ढाल्नको लागि भारतले गरेको खेलमा आफ्नै पार्टी नेकपाका नेताहरु समेत सामेल भएको दाबी गरेका थिए ।