हामी सबैकाे संसारन्यूज

काठमाडौं । नेपाली कांग्रेसका नेता धनराज गुरुङ्गले प्रधानमन्त्री केपि शर्मा ओलीले दिएको अभिव्यक्ति असक्षमतालाई छोप्ने वाइह्यात बाहना भएको टिप्पणी गरेका छन् ।

उनले नेकपाभित्र दिल्लीका एजेन्टहरुको बहुमत भएमात्र प्रधानमन्त्री हटाउन सक्ने बताए । सामाजिक सञ्जालमार्फत ओलीको अभिव्यक्तिमाथि प्रश्न गर्दै उनले भने, ‘दिल्लीले आफुलाई हटाउन लागेको कुरा प्र.म. ओलीले गरेछन् । पिएम नेपाल जी ! तपाईंको पार्टी भित्र दिल्लीका एसेट्सहरुको बहुमत छ र ? नेकपा संसदीय दलभित्र दिल्लीका एसेट्सहरुको बहुमत बिना तपाईंलाई दिल्लीले प्र.म.बाट हटाउन सक्दैन। अन्यथा आफ्नो असक्षमतालाई छोप्न यस्ता वाइह्यात कुरा नगर्नुस् ।’

दिल्लीले आफुलाई हटाउन लागेको कुरा प्र.म.अोलीले गरेछन्। @PM_Nepal जी! तपाईंको पार्टी भित्र दिल्लीका एसेट्सहरुको बहुमत छ र? नेकपा संसदीय दलभित्र दिल्लीका एसेट्सहरुको बहुमत बिना तपाईंलाई दिल्लीले प्र.म.बाट हटाउन सक्दैन। अन्यथा आफ्नो असक्षमतालाई छोप्न यस्ता वाइह्यात कुरा नगर्नुस्।

— Dhan Raj Gurung (@dhanrgrg) June 28, 2020

राति–राति दुत पठाउने ओलीले सार्वजनिक खपतका लागि मात्रै अभिव्यक्ति दिएको गुरुङ्गको भनाई छ । ‘सार्बजनिक खपतका लागि भनेका हुन्, पर्सोना नन ग्राटा दिंदैनन्, बरु राति–राति दुत पठाएर भारतीय राजदुतलाई भेट्न लगाउँछन्,’ गुरुङ्गले भनेका छन् ।

सार्बजनिक खपतका लागि भनेका हुन्। पर्सोना नन ग्राटा दिंदैनन्। बरु राति-राति दुत पठाएर भारतीय राजदुतलाई भेट्न लगाउँछन्।

— Dhan Raj Gurung (@dhanrgrg) June 29, 2020

आइतबार मदन भण्डारीको ६९ औं जन्मजयन्तीको अवसरमा मदन भण्डारी फाउण्डेसनले बालुवाटारमा गरेको कार्यक्रममा प्रधानमन्त्री केपी शर्मा ओलीले आफ्नो सरकार ढाल्न छिमेकी मुलुक भारत लागेको आरोप लगाएका थिए । ओलीले सरकार ढाल्नको लागि भारतले गरेको खेलमा आफ्नै पार्टी नेकपाका नेताहरु समेत सामेल भएको दाबी गरेका थिए ।