Sansar News
१८ असार, काठमाण्डौं । पूर्वराजा ज्ञानेन्द्र शाहले कोरोनाको कहरका बेला सत्तासीन नेताहरुले जग हसाई गर्नु देशको लागि राम्रो संकेत नभएको बताएका छन् ।
कोरोनाका कहरका बेला जनताप्रति उत्तरदायी हुनुपर्ने अवस्थामा सत्तासिन पार्टी, नेपाल कम्युनिष्ट पार्टी (नेकपा) मा आन्तरिक कलह चरम उत्कर्षमा पुगेको अवस्थामा पूर्वराजा शाहले विहिबार यस्तो अभिव्यक्ति दिएका हुन् ।
‘कोरोना संक्रमण र यसका प्रभावका कारण देशको अर्थतन्त्र निर्धो भएको बेला जनताप्रति उत्तरदायी नभै सत्तासीन नेताहरु आपसमै लडेर जग हँसाई गर्नु देशका लागि पक्कै राम्रो संकेत होईन,’ सामाजिक संजाल ट्विटरमा आफ्ना भनाई राख्दै पूर्वराजा शाहले भनेका छन्, ‘जनता प्रतिको आफ्नो दायित्व बिर्सने, सीमित स्वार्थमा अल्मलिने यस्ता स्वार्र्थी नेतालाई चिन्ने बेला आएको छ अब ।’
कोरोना संक्रमण र यसका प्रभावका कारण देशको अर्थतन्त्र निर्धो भएको बेला जनता प्रति उत्तरदायी नभै सत्तासीन नेताहरु आपसमै लडेर जग हँसाई गर्नु देशका लागि पक्कै राम्रो संकेत होईन। जनता प्रतिको आफ्नो दायित्व बिर्सने, सीमित स्वार्थमा अल्मलिने यस्ता स्वार्थी नेतालाई चिन्ने बेला आएको छ अब।
— G. Shah (ज्ञानेन्द्र शाह) (@GBBShah) July 2, 2020
वि.सं.२०७७ असार १८ बिहीवार १९:१६ मा प्रकाशित
