Sansar News
२३ असार, बुधबारे । बुधबारे जेसीजलाई जग्गा प्राप्त भएको छ । बुद्धशान्ति-१ का ज्ञानेन्द्रप्रसाद घिमिरेको परिवारले प्रस्तावित मदन भण्डारी लोक मार्गले छोएको १० लाख मूल्य बराबरको १० धुर जग्गा बुधबारे जेसीजलाई उपलब्ध गराएका छन् ।
आज घिमिरे परिवारले बुधबारे जेसीजलाई सो सम्बन्धि सम्झौता कागज गरेर जग्गा हस्तान्तरण गरेको हो । बुधबारे जेसीजका बिजनेस कोअर्डिनेटर समेत रहेका जग्गा दाता जेसि अनिल घिमिरेले जग्गा चाँडै बुधबारे जेसीजको नाममा पास गरिदिने बताएका छन् ।
घिमिरे परिवारले आफ्नो आमा तथा हजुरआमा स्वर्गीय छलिमाया घिमिरेको स्मृतिमा सो जग्गा प्रदान गरेका हुन् ह बुद्धशान्ति १ का ज्ञानेन्द्रप्रसाद घिमिरे, उनकी धर्मपत्नी टिकादेवि घिमिरे, उनका छोराबुहारीहरु अनिल घिमिरे रमिना रिमाल घिमिरे, अर्जुन घिमिरे र आर्जु उप्रेती घिमिरेको परिवारले जग्गा दिएका हुन् ।
जग्गादाता ज्ञानेन्द्रप्रसाद घिमिरे नमूना आधारभूत बिद्यालय बुद्धशान्ति १ का प्रधानअध्यापक हुन् । जग्गादाता अनिल घिमिरे बुधबारे जेसीजका विजनेस कोअडिनेटर तथा एभरेष्ट साबुन उधोगका संचालक छन् भने जग्गादाता अर्जुन घिमिरे इन्जिनियर हुन् ।
उनीहरुले बुधबारे जेसीजका अध्यक्ष जेसि नन्दकुमार याफु राई, पूर्व अध्यक्ष जेसि रमेश बराल, निवर्तमान अध्यक्ष जेसि हेमन्त बराल, सचीव अनिल वाग्लेलाई जग्गा हस्तान्तरण गरेको सम्झौता पत्र प्रदान गरेका छन् ।
वि.सं.२०७७ असार २३ मंगलवार ०८:४१ मा प्रकाशित
