हामी सबैकाे संसारन्यूज

२३ असार, काठमाण्डौं । नेपालमा आज  २०४ जना कोरोना संक्रमणका नयाँ विरामी भेटिएका छन् ।

स्वास्थ्य मन्त्रालयका अनुसार आज सबैभन्दा बढी बाजुरामा ५४ जना संक्रमित भेटिएका छन् । साथै काठमाण्डौंमा १४ जना, ललितपुरका १० र भक्तपुरमा ४ गरी उपत्यकामा जम्मा २८ जनामा संक्रमण पुष्टि भएको स्वास्थ्य तथा जनसंख्या मन्त्रालयद्धारा आयोजित मंगलबारको नियमित पत्रकार सम्मेलनमा जानकारी दिइएको छ ।

मन्त्रालयका अनुसार वीपी कोइराला स्वास्थ्य विज्ञान प्रतिष्ठान धरानमा गरिएको परीक्षणमा झापाका १, सुनसरीका २, प्रादेशिक जनस्वास्थ्य प्रयोगशाला विराटनगरमा गरिएको परीक्षणमा मोरङका ६, गजेन्द नारायणसिंह अस्पताल राजविराजमा गरिएको परीक्षणमा सप्तरीका ३, प्रादेशिक जनस्वास्थ्य प्रयोगशाला जनकपुरमा गरिएको परीक्षणमा धनुषाका ८ जना र महोत्तरीका ९ जनामा संक्रमण पुष्टि भएको छ ।

त्यसैगरी राष्ट्रिय जनस्वास्थ्य प्रयोगशाला टेकुमा गरिएको परीक्षणमा अछामका ११, बैतडीका ११, डोटीका ७, गोर्खाका १, काठमाण्डौं र सिन्धुलीका १÷१ जना, किटजन्य रोग अनुसन्धान तथा तालिम केन्द्र हेटौडामा गरिएको परीक्षणमा मकवानपुरका २, धुलिखेल अस्पतालमा गरिएको परीक्षणमा बाजुराका ५४ , सिन्धुपाल्चोका १, पाटन स्वास्थ्य विज्ञान प्रतिष्ठानमा गरिएको परीक्षणमा धादिङ १, भक्तपुरका ४, गोर्खाका २, कास्कीका १, काठमाण्डौंका १२ जना, ललितपुरका १०, लम्जुङ, नुवाकोट, पर्सा, रामेछाप, रुपन्देही, सप्तरी, रुकुमपश्चिम, मकवानपुर र रामेछापका १÷१ जना, सर्लाहीका ३ जनामा संक्रमण पृष्टि भएको छ ।

टिचिङ अस्पताल काठमाण्डौंमा गरिएको परीक्षणमा काठमाण्डौंका १ जना, प्रादेशिक जनस्वास्थ्य प्रयोगशाला पोखरामा गरिएको परीक्षणमा तनहुँक २, बाग्लुङका १, प्रादेशिक जनस्वास्थ्य प्रयोगशाला रुपन्देहीमा गरिएको परीक्षणमा अर्घाखाँचीका ८, कपिलवस्तुका १, नवलपरासीका ५, पाल्पाका २, भेरी अस्पताल नेपालगन्जको प्रयोगशालामा गरिएको परीक्षणमा दाङका ३, रुकुमपश्चिमका ४, रुकुमपूर्वका १, बर्दियाका २ र सल्यानका ५, जनामा संक्रमण पृष्टि भएको छ ।

कर्णाली स्वास्थ्य विज्ञान प्रतिष्ठान जुम्लामा गरिएको परीक्षणमा सुर्खेतका ३, डडेल्धुरा अस्पतालमा गरिएको परीक्षणमा डडेल्धुराका ६ जनागरी आज २०४ जनामा कोरोना संक्रमण पुष्टि भएको छ ।

आज थपिएका २०४ जनासँगै नेपालमा कोरोना संक्रमितको संख्या १६,१६८ पुगेको छ ।

आज उपत्यकाका ५४ सहित १८० जनामा कोरोना संक्रमण भएको पुष्टि, संक्रमितको संख्या १५९६४ पुग्यो