हामी सबैकाे संसारन्यूज

१.
मतमदिरा दिनेको जय जयकार
पोसीलो आहार दिनेको बहिष्कार
मदिराको मित्र आहाराको शत्रुता,
यस्तै स्वभावको गरे आविष्कार ।

२.
केही झै मान्दैन अरुलाई खाईमा धकेल्नु
तिर्थयात्रा गंगास्नानले कहाँ पाप पखाल्नु
जस्तो कर्म उस्तै फल सृष्टिको लेखजोखा,
राम्रो कर्म झुठो जोखनामा किन डराउनु ।

३.
उंच निच छुवाछूत भेदभाव त छ स्थायी
मानव छबि घृणित सोच गर्छ झगडा लडाई
रगत त रातो नै हो रंग रुप फरक भए पनि
मर्दाको मलामी छुट्दैन को आफ्नो को पराई ।

४.
अरुलाई रुवाएर हाँसेको देख्दा छक्क पर्छु
चरी झै यहाँ भाका फेरेको देख्दा छक्क पर्छु
तिमी बाहेक अरुमा यो नजरमा छैन भन्नेले
छड्के नजरले अरु हेरेको देख्दा छक्कै पर्छु ।

५.
छोरी ठुली भइ बिहे गरिदिने अभिभावकको ध्यान
म भन्छु आफैमा दरिलो आत्मनिर्भर हुने दिउ ज्ञान्
कैयौं चम्किला नक्षत्रहरु ज्वलन्त उदाहरण छोरी,
बिहे पछि पहिले शिक्षाको चलाउ सबैले अभियान ।

घुम दार्जिलिङ्ग घुम, हाल युएई दुबई