Sansar News
२९ असार, काठमाण्डौं । नेपालमा आज १४४ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार आज सबैभन्दा बढी सुर्खेतमा ४१ जना र धनुषामा २७ जना रहेका छन् ।
त्यसैगरी प्रादेशिक जनस्वास्थ्य प्रयोगशाला विराटनगरमा गरिएको परीक्षणमा झापाका ४, मोरङ र सुनसरीका १\१ जना, गजेन्द्र नारायण सिंह अस्पताल राजविराजमा गरिएको परीक्षणमा सप्तरीका १, प्रादेशिक जनस्वास्थ्य प्रयोगशाला जनकपुरमा गरिएको परीक्षणमा धनुषाका ११, महोत्तरीका ४ र नारायणी अस्पताल वीरगन्जमा गरिएको परीक्षणमा धनुषाका १६ जनामा संक्रमण पुष्टि भएको छ ।
त्यसैगरी राष्ट्रिय जनस्वास्थ्य प्रयोगशाला टेकुमा गरिएको परीक्षणमा काठमाण्डौंका २, कपिलवस्तुका ८, शुक्रराज ट्रपिकल तथा सरुवा रोग अस्पतालमा गरिएको परीक्षणमा भक्तपुरका १ जना, पाटन अस्पतालमा गरिएको परीक्षणमा ललितपुरका ५, काभ्रेका १, कैलाली, म्याग्दी र दोलखाका १\१ जना, किटजन्य रोग प्रयोगशाला तथा अनुसन्धान केन्द्र हेटौडामा गरिएको परीक्षणमा मकवानपुरका १, रौतहटका ९ र धुलिखेल अस्पतालमा गरिएको परीक्षणमा सिन्धुलीका १ जनामा संक्रमण पुष्टि भएको छ ।
टिचिङ अस्पताल काठमाण्डौंमा गरिएको परीक्षणमा काठमाण्डौंका १, बाग्लुङका २, प्रादेशिक जनस्वास्थ्य प्रयोगशाला पोखरामा गरिएको परीक्षणमा म्याग्दी, पर्वत, स्याङजाका १/१ जना र तनहुँका २ जना, प्रादेशिक जनस्वास्थ्य प्रयोगशाला रुपन्देहीमा गरिएको परीक्षणमा कपिलवस्तुका १, भेरी अस्पताल नेपालगन्जको प्रयोगशालामा गरिएको परिक्षणमा बर्दियाका २, दाङका १, चौरजहारी रुकुम प्रयोगशालामा रुकुम पश्चिमका २ जनामा संक्रमण पुष्टि भएको छ ।
सुर्खेत प्रादेशिक अस्पताल सुर्खेतमा गरिएको परीक्षणमा बाँकेका १, दैलेखका २, जाजरकोटका १, सुर्खेतका ४१ जना, डडेल्धुरा अस्पतालमा गरिएको परीक्षणमा बझाङ र बैतडीका २÷२ जना, सेति प्रादेशिक अस्पताल धनगढीमा गरिएको परीक्षणमा अछामका १, कैलालीका १०, गरी १४४ जनामा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।
आज थपिएका १४४ जनासँगै नेपालमा हालसम्म १६,९४५ जनामा संक्रमण पुष्टि भएको छ । जसमा आधा भन्दा बढी निको भइसकेका छन् ।
वि.सं.२०७७ असार २९ सोमवार १६:४७ मा प्रकाशित
