हामी सबैकाे संसारन्यूज

७ साउन, काठमाडौँ । पूर्वसांसद बर्मन बुढा मगरको ९० बर्षको उमेरमा निधन भएको छ । बुढाको आज विहान ४ः३० बजे पाटन अस्पतालमा उपचारकै क्रममा निधन भएको हो ।

पूर्वसभामुख तथा प्रतिनिधिसभा सांसद कृष्णबहादुर महराले बर्मन बुढामगरको निधनको खबरप्रति गहिरो दुःख व्यक्त गरेका छन् । बुढाको मृत्युको खबरले आफूलाई स्तव्ध बनाएको बताएका छन् । दुखद् यस घडिमा बर्मन बुढाप्रति हार्दिक श्रद्धाञ्जली व्यक्त गर्दै सम्पूर्ण परिवार तथा आफन्तजनमा हार्दिक समवेदना व्यक्त गरेका छन् ।

महराले बुढासँगको राजनीतिक सहकार्यको स्मरण गर्दै भनेका छन् ‘रोल्पा क्षेत्र न २ बाट निर्वाचित भई उँहा र मैले तत्कालित संयुक्त जनमोर्चा नेपालका तर्फवाट संगै सांसद को भुमिका निर्वाह गरेका थियौ । श्री बर्मन बुढा मगर एक कम्युनिष्ट आदर्श तथा अडिक र निडर व्यक्तित्वको रुपमा म उहालाई सधै स्मरण गरिरहन्छु । उँहा कम्युनिष्टकै किल्ला रोल्पा थवाङ निवासी हुनुहुन्थ्यो ।’

बर्मन बुढामगर २०४८ सालमा रोल्पा क्षेत्र न १ वाट निर्बाचित सांसद थिए ।

उनको निधनमा अन्य विभिन्न व्यक्तित्वहरुले समेत दुःख व्यक्त गरेका छन् । मगर भेषभुषा झल्काउने सामान्य पहिरनमा संसदमा भाग लिने उनी सरल र मिजासिला मानिन्थे ।