हामी सबैकाे संसारन्यूज

 ८ साउन, काठमाडौं । प्रवासी नेपाली एकता मन्च नर्वेले  क्रिकेट प्रतियोगिता गर्ने भएको छ ।

मन्चले यहि आउँदो  २६  जुलाईमा  ओस्लोस्थित सोग्सभानको खेल मैदानमा मैत्रीपूर्ण  क्रिकेट  रनिङ शिल्ड प्रतियोगिता आयोजना गर्ने भएको हो ।

नेकपाको भातृ संगठन प्रवासी नेपाली एकता मन्चले  पहिलोपटक  टि-१०  क्रिकेट खेल प्रतियोगिताको आयोजना गर्ने भएको हो ।  समर विदालाई मध्येनजर गर्दै संस्थाले गर्दै आएको महिलाहरुद्वारा घैटो फुटाल्ने साना बालबालिकाले तातो आलु -Hot Potato)  बिगतमा गर्दै आएको खेललाइ निरन्तरता दिदै यस बर्षदेखि चर्चित खेल क्रिकेट थप गर्दै आफ्नो बार्षिक खेल क्यालेन्डर अनुसार नयाँ प्रतियोगितालाई अघि सारेको आयोजक कमिटिका संयोजक मनोज (शर्मा) अधिकारीले बताए ।

स्वास्थ्य र मनोरन्जनको साथै खेलको माध्यम बाट नर्वेमा स्थापित नेपाली संघ संस्था बीच भाई चाराको सम्बन्ध मजबुत बनाउने उध्येश्यले गरिने यस प्रतियोगितामा गैर आवासीय नेपाली संघ ( NRNA ,) नेपाली पोर्तुगिज समाज ( Nepos ) नेपाली जन सम्पर्क समिति (JSS ) बाट २ , प्रबासी नेपाली एकता मंन्च (ONUF ) बाट २ Nesco र नेप्सा (NEPSA ) गरि ८ टिम सहभागी हुनेछन।

प्रतियोगितामा बिजेता, उपबिजेता, सहभागी टिमलाई मेडल प्रमाणपत्र र नगद पुरस्कार बितरण गरिने आयोजक कमिटिका अध्यक्ष बिश्वास बजगाईले बताएका छन् ।

प्रतियोगिता प्रचार-प्रसार सहितको जिम्मेवारीको सम्पूर्ण कार्य बिभाजनको अन्तिम चरण पूरा भैसकेकोले कार्यक्रम भब्य सफलताका साथ् सम्पन्न हुने बिश्वास गरिएको आयोजक कमिटीले जनाएको छ ।

कार्यक्रम पश्चात उपस्थित जनसमुदायलाई नेपाली खानाको ब्यबस्था रहेकोले कार्यक्रम थप रोचक रहने बुझिएको छ । सो प्रतियोगितामा सम्पूर्ण नेपाली समुदायलाई सहभागिता जनाउनु हुन हार्दिक निमन्त्रणा गरिएको कार्यक्रम बिहान ९ बजे देखि साझ १९ बजेसम्म निर्धारण गरिएको छ  ।