हामी सबैकाे संसारन्यूज

काठमाडौं । अमेरिका–चीन तनाव उच्च स्थितिमा बढेको छ । ह्यूस्टस्थित चीनको दूतावास बन्द गराउन निर्देश गरेको अमेरिकाले फेरि अर्को दूतावास पनि बन्द गराउने चेतावनी दिएको छ । राष्ट्रपति डोनाल्ड ट्रम्पले बिहिबार चीनको अर्को दूतावास पनि बन्द गरिदिने चेतावनी दिएका हुन् ।

यसअघि बुधबार मात्रै अमेरिकाले ह्यूस्टनस्थित चिनियाँ वाणिज्य दूतावास बन्द गर्न ७२ घण्टे अल्टिमेटम दिएको थियो ।

अमेरिकाले आफ्नो बौद्धिक सम्पदा र निजी सूचनाको रक्षाको निम्ति यस्तो कदम चालेको बताएको छ । बिहिबार ह्वाइट हाउसमा प्रेस कन्फ्रेसलाई सम्बोधन गर्दै ट्रम्पले अमेरिकी जनताको हितको निम्ति आवश्यक जुनसुकै कदम चालिने बताए । उनले आवश्यक परे तत्कालै अर्को दूतावास पनि बन्द हुनसक्ने स्पष्ट पारे ।

ट्रम्पले दूतावासमार्फत चीनले जासूसीका गतिविधि गरेको आरोप लगाएका छन् । चीनले अमेरिकी सम्प्रभूता उल्लंघन गरेको ट्रम्पको भनाई छ ।

‘ह्यूस्टनस्थित चीनको वाणिज्य दूतावास बन्द गर्न गरिएको आदेशपश्चात त्यहाँ केहि दस्तावेज जलाइएको कुरा सुन्नमा आएको छ, यसले निकै संशय पैदा गराएको छ’, ट्रम्पले भनेका छन्, ‘हामीलाई यदि जरुरत पर्छ भने चीनको दोस्रो दूतावास पनि बन्द गर्न सक्छौं ।’

VIDEO: Trump says additional Chinese embassy closures possible.

“As far as closing additional embassies, it’s always possible,” Donald Trump tells reporters after Washington ordered the closure of the Chinese consulate in Houston pic.twitter.com/1mbwQEOGQU

— AFP news agency (@AFP) July 23, 2020

ट्रम्पले दूतावासमार्फत चीनले जासूसीका गतिविधि गरेको आरोप लगाएका छन् । चीनले अमेरिकी सम्प्रभूता उल्लंघन गरेको ट्रम्पको भनाई छ ।

ट्रम्पको पछिल्लो भनाईसँगै अमेरिका–चीन तनाव थप बृद्धि हुने देखिएको छ । यसअघि अमेरिकी कदमप्रति चिनियाँ विदेश मन्त्रालयले उचित जवाफ फर्काउने चेतावनी दिएको थियो । एजेन्सीबाट

सम्बन्धित समाचार

ट्रम्पका पूर्व मुख्य रणनीतिकारको खुलासा : चीनको विरुद्व अमेरिका युद्धको अन्तिम तयारी गर्दैछ

चरमतातिर पुग्यो अमेरिका–चीन तनाव, ७२ घण्टाभित्र वाणिज्य दुतावास बन्द गर्न अमेरिकाको निर्देशन