हामी सबैकाे संसारन्यूज

८ साउन, काठमाण्डौं । नेपालमा विहिबार ( ८ साउन) सम्म पिसीआर प्रविधिबाट ३ लाख ३१ हजार ९५ वटा कोरोना भाइरसको नमुना परीक्षण गरिएको छ ।

जसमा पछिल्लो २४ घण्टामा पिसीआर प्रविधिबाट ३,४८१ वटा नमुना परीक्षण गरिएको स्वास्थ्य तथा जनसंख्या मन्त्रालयका प्रवक्ता जागेश्वर गौतमले विहिबार आयोजित नियमित पत्रकार सम्मेलनमा जानकारी दिएका छन् ।

त्यसैगरी हालसम्म देशका विभिन्न अस्पताल तथा आइसोलेशन सेन्टरहरुमा ५,३५८ जनाको उपचार भइरहेको छ । साथै हालसम्म भारत लगायत विभिन्न देश र एक जिल्लाबाट अर्को जिल्लामा पुगेर क्वारेन्टिनमा बस्नेहरुको संख्या २० हजार ९८ रहेको छ । यो संख्या दिनप्रतिदिन घटिरहेको छ ।

आज थपिएका १४७ जनासँगै नेपालमा कोरोना संक्रमितको कूल संख्या १८ हजार २४१ पुगेको छ । कूल संक्रमित मध्ये हालसम्म १२ हजार ८४० जना निको भएर घर फर्किएका छन् । बाँकीरहेका ५,३५८ जनासक्रिय संक्रमितको विभिन्न अस्पताल तथा आइसोलेशन सेन्टरमा उपचार भइरहेको छ । साथै हालसम्म मृतकको संख्या ४३ पुगेको छ ।

आज १४७ जनामा कोरोना संक्रमण
नेपालमा आज १४७ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार आज सबैभन्दा बढी कन्चनपुरमा ३० जना, दैलेखमा २४ जना, पर्सामा १७ जना र रुपन्देहीमा १३ जना संक्रमित भेटिएका छन् । साथै आज काठमाण्डौं उपत्यकामा ९ जनामा संक्रमण देखिएको छ ।

त्यस्तै मोरङमा ८ जना, सप्तरीमा ७ जना, डोटीमा ७ जना, सुर्खेतमा ५ जना, काठमाण्डौंमा ५ जना, पर्वतमा ३ जना, धनकुटा, सुनसरी डडेल्धुरा, सिराहा, भक्तपुर, ललितपुर, प्युठान, कैलाली र कास्कीमा २\२ जना रहेका छन् ।

आज काठमाण्डौं उपत्यकाका ९ सहित १४७ जनामा कोरोना संक्रमण, संक्रमितको संख्या १८,२४१ पुग्यो

त्यसैगरी झापा, ललितपुर, महोत्तरी, स्याङजा, नवलपरासी र बझाङमा १\१ जना गरी जम्मा १४७ जनामा संक्रमण पुष्टि भएको छ ।

आज थपिएका १४७ जनासँगै नेपालमा कोरोना संक्रमितको कूल संख्या १८ हजार २४१ पुगेको छ । कूल संक्रमित मध्ये हालसम्म १२ हजार ८४० जना निको भएर घर फर्किएका छन् । बाँकीरहेका ५,३५८ जना सक्रिय संक्रमितको विभिन्न अस्पताल तथा आइसोलेशन सेन्टरमा उपचार भइरहेको छ ।

आज १५६ जना कोरोना संक्रमणबाट मुक्त
नेपालमा आज १५६ जनाले कोरोनालाई जितेर घर फर्किएका छन् ।  स्वास्थ्य तथा जनसंख्या मन्त्रालयका अनुसार देशका विभिन्न अस्पताल तथा आइसोलेशनमा उपचाररत १५६ जना संक्रमणबाट निको भएर घर फर्किएका हुन् ।

आज पनि १५६ जना कोरोना संक्रमणबाट मुक्त, निको हुनेको संख्या १२,८४० पुग्यो

आज १५६ जना निको भएसँगै नेपालमा कोरोना संक्रमणबाट निको हुनेको संख्या १२ हजार ८४० पुगेको छ ।

कुन प्रदेशमा कति निको भए त ?
प्रदेश १ मा ७६० जना, प्रदेश २ मा २,८४३ जना, बाग्मति प्रदेशमा ४५८ जना, गण्डकी प्रदेशमा १,०९५ जना प्रदेश नं ५ मा ३, ८६८ जना, कर्णाली प्रदेशमा १५८३ जना र सुदूरपश्चिम प्रदेशमा २,२३३ जना गरी हालसम्म १२ हजार ८४० जना निको भएका छन् ।

५०० भन्दा बढी संक्रमित उपचारत रहेको जिल्ला
हालसम्म प्रदेश २ मा रौतहट, सुदूरपश्चिममा कैलाली र बाजुरा रहेका छन् । साथै संक्रमित शुन्य भएको जिल्लामा पाँचथर, भोजपुर, संखुवासभा, रसुवा, मनाङ र मुस्ताङ रहेका छन् ।

कुन प्रदेशमा कति संक्रमित उपचाररत छन् त ?
हालसम्म देशैभरीको विभिन्न अस्पताल तथा आइसोलेसन सेन्टरमा उपचाररत ५,३५८ जना सक्रिय संक्रमित मध्ये प्रदेश १ मा १२४ जना, प्रदेश २ मा १,८९७ जना, बाग्मति प्रदेशमा ४२७ जना, गण्डकी प्रदेशमा ३२४ जना, प्रदेश नं ५ मा ३४४ जना, कर्णाली प्रदेशमा ३०४ जना, र सुदूरपश्चिम प्रदेशमा १,९३८ जना रहेका छन् ।

नेपालमा आज पनि कोरोना संक्रमणबाट १ को मृत्यु
नेपालमा कोरोना संक्रमणबाट आज पनि १ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार आज मृत्यु भएको पुष्टि भएकामा विरगन्ज माइस्थानका ७० वर्षीय पुरुष रहेका छन् ।

नेपालमा कोरोना संक्रमणबाट आज पनि १ को मृत्यु, मृतकको संख्या ४३ पुग्यो

कोरोना संक्रमण भएका उनको श्वास प्रश्वासमा कठिनाई भएका कारण नारायणी अस्पतालको अस्थायी कोभिड अस्पतालमा भर्ना भई उपचारका क्रममा साउन ७ गते मृत्यु भएको मन्त्रालयले जानकारी दिएको छ ।

हेर्नुहोस् यस्तो छ नेपालमा साउन ७ गते सम्मको कोरोना अपडेटको पूर्ण विवरण