हामी सबैकाे संसारन्यूज

(१)
उनी झुक्न नमाने पछि ता फर्मान आयो,
आफ्नो भूमी तानेपछि ता फर्मान आयो ।
कठपुत्ली राख्ने धेरै प्रयाशरतछ छिमेकी,
भने जस्तै नछाने पछि ता फर्मान आयो ।
(२)
मित्रताको साईनो लगाएर मात्रै कहाँ हुन्छ,
मगरमच्छकै आँसु बगाएर मात्रै कहाँ हुन्छ ।
सन्धि र सम्झौता गर्दा होश पुर्याउ सरकार,
सधै देश र जनतालाई ठगाएर कहाँ हुन्छ ।
(३)
जनता सँग नङ्ग र मासु बनेर देखाउ अब,
सदनमा चोखो देशभक्त गनेर देखाउ अब ।
साम्राज्यावादको चल्दैन एकढिका भएसी,
भ्रष्टचारी जराहरु लाई खनेर देखाउ अब ।
(४)
यो बेलामा कोई खुट्टा ताना तान नगर संसदमा,
आरोप प्रति आरोपले हाना हान नगर संसदमा ।
कसैलाई कलो नै खाने मन भए उतै गएर बसहै,
बिदेशको दाम्लाले नै बाना बान नगर संसदमा ।
(५)
उखान र टुक्का धेरै नहाल यस्तो बेलामा तिमी,
रौँका बोक्रा केलौन नथाल यस्तो बेलामा तिमी ।
बोल्दा सोँचेर बोल यो तरल परिस्थिति भित्र मा,
जे भय नि सरकार नफाल यस्तो बेलामा तिमी ।

घोराही उपमहानगरपालिका दाङ १८
हाल भारत