हामी सबैकाे संसारन्यूज

२१ साउन, काठमाडौँ । नेपालमा आज कोरोना संक्रमणबाट २ जनाको मृत्यु भएको पुष्टि भएको छ ।

स्वास्थ्य तथा जनसंख्या मन्त्रालयका अनुसार आज मृत्यु भएको पुष्टि भएका दुवैजना पर्साका रहेका छन् ।

मृत्यु हुनेमा पर्साको पोखरिया नगरपालिका वडा नं ९ निवासी १८ वर्षीया युवतीको साउन १९ मृत्यु भएको हो । झाडा पखालाले सिकिस्त भइ उपचारका लागि नेशनल मेडिकल कलेज विरगन्ज लैजाने क्रममा उनको बाटोमै मृत्यु भएको हो ।

नेशनल मेडिकल कलेज विरगन्जमा श्वाव संकलन गरी नारायणी अस्पतालको प्रयोगशालामा गरिएको परीक्षणमा उनमा कोरोना संक्रमण पुष्टि भएको मन्त्रालयले जानकारी दिएको छ ।

पर्साकै विरगन्ज महानगरपालिका ५ बस्ने ४६ वर्षीय पुरुषको बुधबार (साउन २१ गते) बिहान अस्थायी कोभिड अस्पताल विरगन्जमै मृत्यु भएको हो ।

केही वर्षदेखि मधुमेहका विरामी समेत रहेका उनी ज्वरो तथा खोकी लागेर अस्पताल भर्ना भएका थिए । साउन १९ गते श्वाव संकलन गरेर गरिएको परीक्षणमा सोहिदन नै उनमा कोरोना संक्रमण भएको पुष्टि भएको थियो । साउन २० गते आइसोलेशनमा राखेर उपचार गरिएका उनको २१ गते बिहान मृत्यु भएको हो ।

आज संक्रमणबाट मृत्यु भएको पुष्टि भएका २ जनासंगै नेपालमा कोरोना संक्रमणबाट मृत्यु हुनेको संख्या ६० पुगेको छ ।  file- photo

नेपालमा आज एकजनाको कोरोना संक्रमणबाट मृत्यु भएको पुष्टि, मृतकको संख्या ५८ पुग्यो