हामी सबैकाे संसारन्यूज

२७ साउन, काठमाडौँ । विश्वभरमा कोरोना भाइरसको संक्रमणबाट मुक्त हुनेको संख्या बढ्दै गईरहेको छ । सोमबार विश्वभरमा २ लाख भन्दा बढि कोरोना भाइरसको संक्रमणबाट मुक्त भएका छन ।

सोमबार विश्वभरमा कोरोना भाइरसको संक्रमणबाट निको हुनेको संख्या २ लाख २२ हजार १ सय २७ रहेको थियो । यससँगै विश्वभरमा कोरोना संक्रमणबाट मुक्त हुनेको संख्या १ करोड ३१ लाख ९० हजार ५ सय १८ पुगेको छ ।

त्यसैगरी सोमबार नै विश्वभरमा २ लाख १६ हजार ३ सय ८९ कोरोना भाइरसका नयाँ संक्रमितहरु थपिएका छन भने कोरोना संक्रमणबाट ४ हजार ५ सय ८१ को जनाको मृत्यु भएको छ ।

विश्वभरमा कोरोना भाइरसबाट संक्रमित हुनेको संख्या २ कारोड २ लाख ५९ हजार ५ सय ७९ रहेको छ भने संक्रमणबाट मृत्यु हुनेकोे संख्या ७ लाख २९ हजार २ सय १२ रहेको छ ।

अहिले पनि विश्वभरमा ६३ लाख २९ हजार ८ सय ४९ जना कोरोना संक्रमित अवस्थामै रहेका छन ।

अमेरीका र ब्राजिलमा मात्रै ८३ लाख ८ हजार ९ सय १६ जना कोरोना भाइरसबाट संक्रमित भएका छन भने यसको प्रकोपबाट यी दुई देशमा मात्र २ लाख ६८ हजार ४९ जनाको मृत्यु भएको छ ।