Sansar News
काठमाडौं । काठमाडौंको कलंकी क्षेत्रमा कोरोना संक्रमित बढ्न थालेपछि स्थानीय कै सक्रियतामा पसलहरु बन्द भएका छन् । बिहिबार बिहानैदेखि सो क्षेत्रका अत्यावश्यक बाहेकका पसल, होटल, रेष्टुरेन्टलगायतलाई बन्द गरिएको हो ।
कोरोना संक्रमण ह्वात्तै बढ्न थालेपछि स्थानीयले वडा कार्यालय तथा प्रहरी प्रशासनको समन्वयमा बन्द गराएका हुन् । महानगरीय प्रहरीले जनाएनुसार चोकका सबै पसल तथा खाजाघर बन्द भएका छन् ।
सो क्षेत्रमा हालसम्म २५ भन्दा बढि संक्रमित भेटिएका छन् । प्रशासनले अत्यावश्यक काम बाहेकमा हिंडडुल नगर्न पनि अनुरोध गरेको छ ।
वि.सं.२०७७ साउन २९ बिहीवार १२:२६ मा प्रकाशित
